Bagong ‘Ghostbusters’ pasabog ang special effects, iconic stars eeksena
PHOTO: Courtesy of Columbia Pictures
MALA-roller coaster ride ang tiyak na mararamdaman sa latest franchise ng 1984 film na “Ghostbusters” – ang “Frozen Empire.”
Maliban sa katatakutan, may halo rin itong comedy, action at kaunting drama.
Nakakabilib din ang mga pasabog na special effects kaya talaga namang hindi ka mabo-boring na panoorin ito mula umpisa hanggang dulo.
Bida riyan ang Hollywood stars na sina Paul Rudd, McKenna Grace, Finn Wolfhard, at Carrie Coon.
Baka Bet Mo: 4 international films na babandera sa big screen ngayong Abril
Nandoon din ang ilang iconic Ghostbusters na sina Bill Murray, Dan Aykroyd, Ernie Hudson at Annie Potts na gumanap sa original films ng nasabing pelikula.
Sa isang press release, inamin ni Paul na isa sa mga highlights sa taping ng pelikula ay ang makatrabaho ang mga nabanggit na veteran stars.
“It’s very exciting for us as actors to, first of all, put on a flight suit and a proton pack, but to get to do it alongside the original Ghostbusters was really the thrill of a lifetime,” sey niya.
Para sa mga kaalaman ng marami, ang “Ghostbusters: Frozen Empire” ay ang sequel para sa 2021 hit na “Ghostbusters: Afterlife.”
Narito ang synopsis mula sa inilabas na pahayag ng Columbia Pictures:
“The Spengler family returns to where it all started – the iconic New York City firehouse – to team up with the original Ghostbusters, who’ve developed a top-secret research lab to take busting ghosts to the next level. But when the discovery of an ancient artifact unleashes an evil force, Ghostbusters new and old must join forces to protect their home and save the world from a second Ice Age.”
Ang “Ghostbusters: Frozen Empire” ay palabas na sa lahat ng lokal na sinehan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.