Donny Pangilinan, Belle Mariano, Anthony Jennings at Maris Racal
BET na bet ng mga fans ang bagong paandar ng ABS-CBN para sa mga adik na adik sa hit romcom series na “Can’t Buy Me Love” ng DonBelle.
Sunud-sunod na pampa-good vibes at pakilig ang hatid ng lead stars ng “Can’t Buy Me Love” sa mga manonood dahil sa mga bonggang challenges and dares sa bagong Made-For-YouTube series na “Can’t Buy Me Love All Access”.
Baka Bet Mo: Cristy Fermin ibinuking ang tunay na ugali ni Mr. Fu: Kapag sinabi mo ang isang bagay paninindigan mo ‘yan
Napapanood na ito nang libre worldwide sa ABS-CBN Entertainment YouTube Channel na nagsimula last April 4.
Tampok sa eight-part digital series sina Maris Racal, Anthony Jennings, Chie Filomeno, Albie Casino, Kaila Estrada, Joao Constancia, Vivoree, Gello Marquez, at Alora Sasam.
Sa unang episode, nagharap sa isang masayang drinking game ang trending tandem nina Anthony and Maris, na gumaganap bilang Snoop at Irene sa serye, habang sinasagot ang mga nakakagulantang na tanong mula sa mga fan.
Baka Bet Mo: Billy tinawag ni Cristy Fermin ng ‘Bully Crawford’; nanawagang itigil na ang ‘LOL’
Sa iba pang mga episode, maglalaban-laban ang mga miyembro ng cast, na hahatiin sa dalawang grupo, ang Team Aircon at Team Kanal, sa Chinese parlor at street games.
Mas lalo ring mapapalago ang kanilang kaalaman sa Chinese culture dahil tuturuan silang gumawa ng dumplings at chao fan rice, mag-mukbang ng Chinese food, sumubok ng Kung Fu at marami pang iba.
Maaaring abangan ng mga manonood ang mga bagong episode tuwing Lunes at Huwebes simula 6 p.m. sa buong buwan ng Abril.
Samantala, huwag palampasin ang mga matitinding episode sa DonBelle-starrer series dahil mas napapalapit na si Caroline (Belle), sa tulong ni Bingo (Donny), sa pagdiskubre sa pumatay sa kanyang inang si Divine (Shaina Magdayao).
Mapapanood ang “Can’t Buy Me Love” nang live sa Kapamilya Online Live sa YouTube o on-demand on ABS-CBN Entertainment YouTube Channel.