Paolo Contis bet mapag-isa, sad sa pagbabu ng Tahanang Pinakamasaya
TULUYAN na ngang namaalam sa ere ang noontime show na “Tahanang Pinakamasaya” nina Paolo Contis produced by TAPE Inc na ipinapalabas sa GMA Network.
Kasabay ng pamamaalam nito ay marami ang nalungkot dahil paano na lang ba ang mga staff at tao sa likod ng programa na nawalan ng hanapbuhay.
Marami rin ang nagulat dahil bigla na lang namaalam sina Paolo at last airing na pala noong March 2.
Ayon naman sa chika ng komedyante at talent manager na si Ogie, nakarating sa kanya na may outstanding balance pa ang TAPE Inc sa Kapuso Network na aabot raw sa P800 million na naipon na mula pa sa dating “Eat Bulaga”.
Bukod pa rito, tila mababa ang ratings ng “Tahanang Pinakamasaya” nina Paolo at mas nalalamangan ng mga kalabang shows.
Kaya naman sinubukan ni Ogie na mag-reach out sa isa sa mga hosts ng naturang noontime show upang hingin ang pahayag nito sa nangyayari.
Baka Bet Mo: ‘Tahanang Pinasara’: Programa nina Paolo at Isko inokray-okray ng bashers
View this post on Instagram
Ngunit nang kausapin niya si Paolo ay tumanggi ito at sinabing huwag muna siyang kausapin.
Isa pa, gusto rin daw nitong mapag-isa.
“I asked Paolo Contis since malapit naman tayo sa batang ‘yan, hiningi niya na huwag ko muna siyang kausapin. Gusto raw muna niyang mapag-isa,” lahad ni Ogie.
Sey pa raw sa kanya ng kaibigan, “Mare, pass muna ‘ko, papahinga lang ako.”
Kaya naman hindi na rin pinilit ni Ogie anc kaibigan para magbigay pahayag ukol sa nangyari.
Sa ngayon ay pansamantalang papalitan ng “Lunchtime Movie Hits” ang timeslot ng “Tahanang Pinakamasaya” at adjusted na rin ang oras ng pagpapalabas ng kanilang mga afternoon drama series.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.