Lovi Poe
ISA si Lovi Poe sa mga iilang artista na marunong magpahalaga at magpasalamat sa members ng entertainment press.
Kung ang ibang celebrities ay walang paki at dedma lang sa showbiz media kahit na nasusulat sila ng maganda, ibang-iba ang anak ng yumaong Action King na si Fernandoe Poe, Jr..
Tulad na lang ng effort na ginawa niya recently kung saan talagang naglaan siya ng panahon at isiningit sa kanyang schedule na makaharap muli ang ilang miyembro ng entertainment media.
Umuwi kasi sandali sa Pilipinas ang aktres dahil sa aso niyang si Phoebe na pumanaw kamakailan. At bago nga siya bumalik sa Amerika para sa iba pa niyang commitments doon, nakipagkita muna siya sa press people.
Baka Bet Mo: Ate Guy pasikretong pumunta sa Malacañang para personal na magpasalamat kay Pangulong Duterte
“Ever since, like, you guys have been part of me. So, I’m really grateful sa inyong lahat, each and everyone of you, I’m just really grateful.
“Kasi talagang, you know, if anything, you guys would always be there for us. Not just that me, I just wanna say thank you.
“What I said, I don’t want in such a dramatic moment, but yun nga, it’s not something that I would usually say to anybody.
“But I really do value each and everyone of you. So, thank you so much,” mensahe ni Lovi.
Masayang ibinalita ng award-winning actress ang tungkol sa sarili niyang production company kasama ang asawang si Monty Blencowe.
Ngayong 2024 daw magsisimula ang first project ng kanilang C’est La Vie Productions.
“Ang pinaka-goal ng C’est La Vie Productions is yung showcase Filipino talent and, hopefully, you know, bring Filipino talent internationally, and globally.
“Kasi ako, I’ve been in the industry for quite sometime, marami tayong magagaling na actors, directors, writers. And I think that would be nice to see everyone, you know, the best of the best excel globally as well.
“So, we’re working on this for film, and that’s one thing that we’re producing this very moment,” sey ni Lovi.
Para sa kanilang unang pasabog, isang horror movie ang gagawin ng mag-asawa na idi-distribute nila sa international market.
“It’s written by Jerrold Tarog and it’s gonna be directed by Jerrold Tarog. We’re in the middle of casting at the moment.
“But, yeah! I’ll talk to you guys about it, the moment it’s completely iron out,” masaya at excited pang pahayag ni Lovi.