Seann William Scott at Lovi Poe
NA-INTIMIDATE at inatake ng matinding hiya si Lovi Poe nang makaharap ang mga co-stars niya sa Hollywood indie movie na “Bad Man.”
Talaga raw nakaramdam siya ng kakaibang nerbiyos sa unang araw ng shooting nila dahil nga first time niyang makakatrabaho ang international stars na pinanonood niya lang dati sa telebisyon at pelikula.
Bida sa “Bad Man” sina Seann William Scott (American Pie), Johnny Simmons (The Perks of Being a Wallflower), Rob Riggle (21 Jump Street), Chance Perdomo (After We Fell), at Andre Hyland (Barry).
“I had the best time filming ‘Bad Man’. Unang-una sa lahat when I got the script, nung binasa ko, I was laughing.
“It’s such a beautiful script, not just to be part of this. Sobrang I just can’t believe. I’m so grateful. It has such an amazing cast,” chika ni Lovi.
Pero pag-amin ng aktres sa unang pagsabak niya sa shooting ng “Bad Man”, “You know when I entered the set, hiyang-hiya ako. I’m so intimidated kasi you know these are the people I watched, nakaka-intimidate.
“But then, they made me feel so comfortable. Everyone was so professional and ang saya.
“Hanggang ngayon I’m still on a high. Kasi nu’ng ginagawa ko ‘yung project, I really enjoyed,” lahad ni Lovi.
Totoo naman daw na napakalaki ng pagkakaiba ng paggawa ng movie sa Pilipinas at sa Hollywood. Sey ni Lovi, “You can’t really compare. Of course every production is different more than any.
“It’s not just because you want to compare how it is here and how is it there, it’s more of a production thing. Every director is different, everyone has their own style. So you can’t really compare,” paliwanag niya.
Samantala, naibahagi rin ng aktres na nag-audition talaga siya sa Amerika pero para sa ibang project at hindi sa “Bad Man.”
“The casting director put me forward for this movie and saw me in an audition that I made and I was like he put me forward for this.
“Nag-audition ako for other things and then, na put forward ako for this,” chika ni Lovi.
Ang “Bad Man” ay mula sa direksyon ni Michael Diliberti, produced by Warner Davis and Todd Friedman para sa Hemlock Circle Productions, Brian Levy ng Entertainment 360, at ng asawa ni Lovi na si Monty Blencowe with Shaun Sanghani para naman sa SSS Entertainment.