Sisteraka ni Erik Santos na si Hadiyah mas type umarte kesa kumanta
Hadiyah at Erik Santos
PROMISING ang sisteraka ni Erik Santos na si Hadiyah na isa na ngayong Star Magic artist at bida na sa seryeng “Zoomers.”
Kung sa pagkanta at pagpe-perform on stage nalinya si Erik, susubukan naman ng kanyang kapatid na umalagwa sa larangan ng pag-arte.
Pormal nang ipinakilala ng Star Magic at ABS-CBN si Hadiyah bilang isa sa cast members ng latest youth-oriented Kapamilya digital series na “Zoomers” sa naganap na presscon last Monday, January 22.
At dito nga niya sinabi na isa si Erik sa mga naging inspirasyon niya sa pagpasok sa showbiz. Talaga raw matagal na niyang pangarap ang mag-artista.
Marunong din naman daw siyang kumanta pero siyempre mas magaling pa rin si Erik sa larangan na ito kaya naman mas pinili niyang mag-focus na lang muna sa akting.
Sa panayam naman sa kanya ng “Magandang Buhay” kamakailan, sinabi ng dalaga na gagalingan niya sa lahat ng projects na ipagkakatiwala sa kanya ng ABS-CBN at Star Magic.
Baka Bet Mo: Hugot ni Erik Santos: Kung sino pa ang mga icon, sila pa ‘yung sobrang bubuti ng kalooban
Idol din daw niya ang kanyang Kuya Erik sa lahat ng bagay, “Growing up po nakita ko siya kung paano mag-work kasi lagi niya po akong isinasama sa ABS-CBN. ‘Yun po talagang masipag po siya at professional at hindi nale-late lagi.”
View this post on Instagram
Samantala, isa pa sa mga bibida sa “Zoomers” at si Ralph de Leon na pinsan naman ng premyadong aktor na si Jake Cuenca.
“Parang ilang beses ko na po siyang nakausap na alam mong napi-feel mo na sobrang passionate niya talaga sa craft niya.
Baka Bet Mo: Angeline hindi pa ipinakikilala kay Erik ang bagong BF: ‘Di naman kailangan…selos yarnnnnn?
“And you can see it naman through his work to the point na parang sinasabi niya po na kapag pumapasok siya set ay hindi na po si Jake ‘yon, character niya na po mismo ang lumalabas.
“So I really want to feel that passion and learn also from it,” pahayag ni Ralph.
Ang iba pang ka-join sa “Zoomers” ay sina Harvey Bautista (anak nina Herbert Bautista at Tates Gana), Zabel Lambert, Luke Alford, Kei Kurosawa, Erika Davis, Luis Vera Perez, Krystl Ball at Criza Taa.
Napapanood na ang “Zoomers” sa Kapamilya Channel, Kapamilya Online Live, TV5, A2Z at ABS-CBN YouTube.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.