Gloria Diaz at Piolo Pascual
MARAMING nanghihinayang na hindi nanalo bilang Best in Production Design ang “Mallari” sa katatapos na 49th Metro Manila Film Festival.
Napakaganda raw kasi ng pagkakabuo ng award-winning na si Marielle Hizon sa production design ng nasabing pelikula kaya hinulaan nilang ito ang mananalo.
Ipinost pa nga raw ni Marielle sa kanyang Facebook account ang “before and after” ng mga ginawa niya sa “Mallari” tulad ng malaking parking lot na ginawang lumang sementeryo na inabot pala ng isang linggo at isang milyon ang nagastos.
Tsinek namin ang FB page at ang caption sa larawang before and after ay, “Empty parking lot = Old Cemetery.
“If it doesn’t exist, build it! Fun and exciting part of production design (tho hard and exhausting lol). Daboys worked hard on this, rain or shine.
“Watch what Johnrey and Jonathan (Piolo Pascual) did here this Dec 25, Mallari!”
Baka Bet Mo: Piolo muntik nang umatras sa ‘Mallari’, umaming nahirapan sa 3 karakter
Samantalang ang simbahan na ipinost din nito sa FB ang mga larawan ay 18 days ang construction na mahigit dalawang milyon naman ang gastos.
Ang caption ni Marielle ay, “Visita – basically smaller than a standard church but bigger than a chapel – were built in the barrios for the Spanish missionaries’ ‘visita system.’ Usually in the barrios far from the main town.
“We had to build one – well… because our old churches have flat screen TVs and expensive chandeliers we dare not touch. Plus, where’s the fun in that?
“This one was a real challenge – for me and daboys. Building it from ground up with 34 men, 18 days on an empty sloping land had me praying and calling all the saints.
“Pero tumayo naman on time, our church is still there, na-shoot naman. Kaya mapapanood nyo sa Dec 25, Mallari!”
Hindi naman nabanggit kung magkano naman ang inabot na gastos ng mahiwagang kuwarto ni Gloria Diaz bilang si Dona Facunda at kung ilang araw itong ginawa base rin sa mga larawan ipinost ni Marielle.
Baka Bet Mo: Piolo Pascual tinawag na ‘Most Promising Old Actor’, umaming naapektuhan ang katawan, mental health dahil sa ‘Ibarra’
Ang caption ay, “After building the cemetery and the church, building a room would seem like a walk in the park – but nooo, this room had us rolling too because of the scenes shot here. Lol panoorin nyo na lang what happens here on Dec 25, Mallari!”
Premyadong PD si Marielle tulad nu’ng 2023 na nanalong production designer sa 48th MMFF para sa pelikulang “Nanahimik ang Gabi” nina Ian Veneracion, Mon Confiado at Heaven Peralejo.
Going back to “Mallari”, nananatiling nasa ikalawang puwesto pa rin ito sa ikaapat na araw ng MMFF 2023.
Hinahanap pa nga ng mga manonood ang “sisiw” sa pelikula na akala ay patay na, pero buhay pa pala talaga ito.
Ang caption nito sa larawan ng sisiw at sa nangangalaga nito, “#nasaanangsisiw. Eto po sya, malaki na, because we believe in the saying ‘No animals were harmed in the making of this movie.’
“The sisiw is aptly named Mallari at nasa pangangalaga ng ating master carpenter na si Kuya Edwin,” sabi pa.