Jimmy Bondoc
ISA ang singer na si Jimmy Bondoc sa 3,813 na pumasa sa 2023 Bar Exams na inanunsyo niyong Martes, Dec 5.
Makikita sa listahan na inilabas ng Supreme Court of the Philippines ng mga nakapasa na nasa rank 685 ang singer.
Labis nga ang pasasalamat ni Jimmy sa masayang balitang natanggap.
“Nasa Aromata lang po kami the whole day, to praise God and to celebrate friendship.
“EVERYONE is welcome. 3pm to midnight, drinks, prayers, laughter. Glory to God and God alone,” saad ni Jimmy.
Noong 2017 nang nagdesisyon ang singer na pumasok sa law school sa San Beda University ngunit noong 2019 ay lumipat ito sa University of the East.
Matatandaang inamin ni Jimmy noon sa kanyang naging panayam sa The Philippine Star na isa talaga sa pangarap niya ang makapasok sa law school.
“The choice to go into law is really parang a lifelong dream. Bukod dun, siguro para maging mas may silbi ako sa administration,” pagbabahagi ng singer.
Baka Bet Mo: Jimmy Bondoc nasunugan ng studio, nawalan ng P1M worth ng music equipment
At kasabay nga ng pagtupad ng kanyang pangarap na maging abogado ay ang kanyang trabaho sa Philippine Amusement and Gaming Corporation (PAGCOR) bilang Vice President for Corporate Social Responsibility.
Samantala, na-appoint naman si Jimmy bilang isa sa mga board of directors noong 2021 sa ilalim ng liderato ng dating Pangulong Rodrigo Duterte.
At ngayon nga ay natupad na ng singer na nakilala sa kanta nitong “Let Me Be The One” na pumasa sa Bar exam sa edad ba 42.
Hindi rin naging hadlang kay Jimmy ang pinadaanan nito last August 2022 kung saan nasunog ang kanyang studio at nawalan ng halos P1 million worth ng mga equipment.
Isa nga sa nga bumati kay Jimmy ay ang Public Attorney’s Office (PAO) chief, Atty. Persida Acosta.
“CONGRATULATIONS! ATTY. JIMMY BONDOC (ARTIST-SINGER) for passing the 2023 BAR EXAMINATIONS,” masayang pagbati ni Atty. Acosta.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.