![MUO owner Anne Jakrajutatip nag-babu na kay Clint Bondad: ‘Goodluck, Bro!’](https://bandera.inquirer.net/files/2023/11/Screen-Shot-2023-11-27-at-11.35.01-AM-1024x638.png)
PHOTO: Instagram/@clintbondad
USAP-USAPAN ngayon sa social media ang latest Instagram Stories ng dating boyfriend ni Catriona Gray na si Clint Bondad.
Ibinandera niya kasi ang pamamaalam sa kanya ng Thai billionaire at may-ari ng Miss Universe franchise na si Anne Jakrajutatip.
Mababasa sa personal message ni Anne na umamin ito na muntikan na siyang ma-inlove kay Clint, ngunit ito ay hindi natuloy.
Ayon pa sa Thai billionaire, magiging busy na siya sa pag-aalaga ng kanyang mga anak at magulang, pati na rin sa Miss Universe Organization.
“I was going to love you at one point before, but God saved me from being blind. I have my children to look after, my parents to take care and now the Universe is my service to the world,” saad sa screenshot.
Makikita rin na inilarawan niyang “delusional” si Clint at pinagsabihan pa na bumalik na sa dati niyang tunay na trabaho.
“My life is much more valuable than being with the delusional like you,” sey ni Anne.
Patuloy niya, “Remember this, get real and [be] humble. Go back to build your real profession and face the world yourself.”
Baka Bet Mo: Thai billionaire Anne Jakrajutatip nag-sorry kay Catriona Gray: ‘I love you, my dear from the bottom of my heart’
“I’m here to say goodbye as it’s time to do so. I have to stop my empathy over you as it would help you to come full circle by cutting it cold,” sambit ng Thai transgender woman.
Mensahe niya, “Goodluck, bro! It was nice to meet you once in this life.”
“I hope that you had the gratitude over my help in Thailand,” dagdag niya.
Aniya pa, “Grow up man!!! Take care and goodluck!”
PHOTO: Instagram Stories/@clintbondad
Kasunod ng screenshot na ibinandera ni Clint ay ang post na ang nakalagay ay “unblock me,” ngunit hindi pa malinaw kung ito ay para kay Anne.
PHOTO: Instagram Stories/@clintbondad
Sa mga hindi pa masyadong aware, taong 2019 nang kumalat ang tsismis na may relasyon umano si Anne sa ex-boyfriend ni Catriona na si Clint.
Ngunit mariin itong dinenay ng bilyonaryang negosyante at sinabing parang “little brother” lang niya ang binata at walang malisya ang kanilang closeness.
Noong Mayo, na-interview ng King of Talk na si Boy Abunda ang MUO owner at napag-usapan nila ang nag-viral na video noon kung saan nakitang nag-uusap si Catriona at Anne sa isang Miss Universe event sa Bangkok, Thailand last year.
Sabi ni Anne, yun daw ang unang pagkakataon na nagkita sila nang personal ni Catriona at talagang sinamantala raw niya ang pagkakataon na makausap ang dalaga tungkol sa kanilang past issue.