Mama Loi, Tita Jegs, Ogie Diaz
NAGBIGAY ng payo ang talent manager at komedyanteng si Ogie Diaz sa mga celebrity couples at love teams na naiisyung hiwalay na.
Sa kanyang latest episode ng “Showbiz Update” kasama sina Mama Loi at Tita Jegs ay napag-usapan nila ang recent cryptic post ni Xian Lim sa kalagitnaan ng isyung diumano’y hiwalay na sila ni Kim Chiu.
Ani Ogie, “‘Yung mga love teams na mga sikat, madami ‘yan, wala na akong tutukuyin. Kapag may mga ganyan, may mga issue sa inyo, kayo na mismo maglinaw. Kumbaga, you owe it to your fans lalo na doon sa talagang avid supporters ninyo. Kailangan nilang makakuha ng assurance na ‘sila pa rin ba?’
“Ang dali dali namang sagutin. Hindi naman kakailanganing mahaba ang ating mga pino-post. Tatlong salita ang kailangan n’yo lang sabihin at ibigay na assurance sa mga fans ninyo, sa mga nagmamahal sa inyo, sa mga nalulungkot sa balita, sa mga nagugulumihanan sa balita, at sa mga gutom sa kasagutan ng kanilang mga idolo. Tatlong salita— kami pa rin. Matatahimik na ang mga fans.”
Saad pa ni Ogie, utang ng mga artista sa kanilang fans kung nasaan sila ngayon at dapat lang na bigyan sila ng assurance.
“You owe it to them. Kung kayo pa rin, sabihin n’yo kayo pa rin. Tapos na. Sarado na ang issue. Wala nang ibang mga intriga pang papasok kasi tinapos n’yo na,” sey pa nito.
Dagdag pa ni Mama Loi sa mga sinabi ni Ogie, kapag hindi raw kasi nagsasalita ang mga artista ay may tendency ang mga fans na humanap ng resibo o patunay na may relasyon pa ang mga iniidolo.
“Pero siyempre, di ba, unless talaga, ‘yung iba ini-enjoy nila ‘yung ganyan na pinag-uusapan sila. Wala akong partikular na pinatutungkulan a. Huwag nating pairalin ang kabobohan… Kasi nami-misinterpret ng iba.
“Ang sinasabi ko, para sa inyo tong mga fans. Kailangan n’yo ng sagot. Kailangan n’yo ng assurance kung ang mga idolo n’yo ay sila pa rin. Ngayon kung sasabihin n’yo sa akin na ‘Hindi nila kailangang mag-explain sa ‘yo Ogie Diaz. Bat mo hinihingi ‘yun?’ edi wag nang para sa akin, para na lang sa inyong mga nagmamahal, na patuloy na sumusuporta,” chika pa ng talent manager.
Sabi pa ni Ogie, kung sakali man na ang mga celebrity couple ay dumaraan sa pagsubok ay sana’y sabihan rin ang fans upang maipagdasal ang mga ito pati na rin ang kanilang relasyon.
“Para rin mabawasan ‘yung ngitngit n’yo sa amin,” hirit pa ng talent manager.
Related Chika:
Cristy Fermin awang-awa kay Ogie Diaz matapos kuyugin ng mga KathNiel fans