Jonas Gaffud may pa-tribute kay Michelle Dee bago ang Miss Universe pageant
PHOTO: Instagram/@jonasempire.ph
IBINANDERA ni Miss Universe Philippines (MUPH) creative director Jonas Gaffud ang kanyang pagpupugay para sa ating pambato na si Michelle Dee.
‘Yan ay bago sila lumipad papuntang El Salvador para sa inaabangang coronation day ng Miss Universe competition.
Kasalukuyang nasa Los Angeles, California ang dalawa para sa last-minute preparations bago ang laban ni Michelle sa 72nd edition ng nasabing pageant.
Sa social media, tila napa-throwback at inalala ni Jonas ang unang pagkikita nila ni Michelle.
Kwento ng creative director, nakilala niya ang beauty queen nang pasukin nito ang pagiging model habang nasa kolehiyo pa ito at nag-aaral ng kursong psychology sa De La Salle University.
“This is it! I met Michelle when she was in college and she applied to be a model,” wika niya sa Instagram post.
Chika pa niya, “But as fate would have it, she ended up joining another pageant and management company. Our paths (at work) never happened until 2022 when she joined Miss Universe Philippines.”
“Up until around February this year, she was thinking if she’d join again. And so she did and finally won the Miss Universe Philippines title,” dagdag niya.
Bagamat marami ang nangyari mula nang magkakilala sila ay ito na raw ang hinihintay nilang pagkakataon kung saan sabay nilang ilalaban ang Pilipinas sa international pageant.
“Now here we are going to El Salvador for the Miss Universe pageant,” caption niya sa IG.
Ayon pa kay Jonas, nakikita niya si Michelle bilang isang determinadong reyna.
Sambit niya, “I know how some Pinoys would bash her but everyday I would see a determined and dedicated Queen.”
“I am very proud of how she is: strong, independent woman. Her aura is QUEEN! And her outfits and gowns are impeccable. So excited for this year’s edition [Philippine flag, blue heart emojis],” mensahe pa niya.
View this post on Instagram
Bago ang pagsali sa beauty pageants, si Michelle ay under ng GMA Artist Center na ngayon ay GMA Sparkle Artist Center.
Magugunita rin na bago pa tanghalin bilang Miss Universe Philippines 2023 si Michelle ay nauna siyang koronahan bilang Miss Universe Philippines-Tourism noong nakaraang taon kung saan ang nag-reyna that time ay si Celeste Cortesi.
Matatandaan din na si Michelle ang nagwagi ng Miss World Philippines noong 2019.
Halos 90 na mga kandidata mula sa iba’t-ibang bansa ang nakatakdang kalabanin ni Michelle sa Miss Universe competition na mangyayari na sa November 18 (Nov. 19 in Manila).
Ang mga nagwagi na ng Miss Universe title mula sa ating bansa ay sina Gloria Diaz (1969), Margarita Moran (1973), Pia Wurtzbach (2015), at Catriona Gray (2018).
Related Chika:
Michelle Dee handang-handa na sa Miss Universe pageant: ‘I’m giving everything…200% of myself’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.