MARIAN idinamay sa kanegahan si AI AI
Kung totoo ang mga numerong nakarating sa amin ay nakapanghihinayang naman ang ibinigay na effort nina Ai Ai delas Alas at Marian Rivera sa nakaraan nilang pelikula.
Matindi na ang napatunayan sa box-office ng Comedy Concert Queen, billion peso star nga ang tawag sa kanya sa Star Cinema dahil sa laki ng biyayang naiakyat na niya sa produksiyon, pero ano’ng nangyari at naging malagihay lang ang kinita ng pelikula nila ni Marian?
May nagkuwento pa nga sa amin na sobrang lungkot ni Ai Ai nang malaman niya ang kinita ng kanilang pelikula, napakababa kasi nu’n sa inaasahan ng marami, ano nga ba ang naganap at hindi kinagat sa takilya ang kanilang proyekto ni Marian Rivera?
Sabi ng isang nakausap namin, “May hatid talaga si Marian, pati tuloy si Ai Ai, naapektuhan ang lakas sa box-office. Hindi talaga siya pampelikula, hanggang sa TV lang talaga si Marian, bilang na bilang ang mga pelikula niyang kumikita!”
Sayang naman ang kanilang effort, hindi sila gaanong niregaluhan ng suporta ng ating mga kababayan, pero hindi pa naman ito ang katapusan ng karera ni Marian Rivera. Marami pang araw.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.