Dolly todo-pasalamat kay Kathryn bago mag-showing ang ‘A Very Good Girl’: ‘Forever an honor…you were the best surprise!’
By: Ervin Santiago
- 12 months ago
Kathryn Bernardo at Dolly de Leon
PINUSUAN at umani ng sandamakmak na like at comments mula sa netizens ang bonggang pasasalamat ni Dolly de Leon sa Box-office Queen na si Kathryn Bernardo.
Hinding-hindi makakalimutan ng internationally-acclaimed actress ang naging experience niya working with Kathryn sa pelikula ng Star Cinema na “A Very Good Girl.”
Idinaan ni Dolly sa kanyang Instagram account ang emosyonal na mensahe niya para sa girlfriend ni Daniel Padilla kasabay ng pagpuri sa dalaga bilang isang mahusay na aktres at mabuting tao.
Ayon sa premyadong aktres, nang dahil sa “A Very Good Girl” ay nakatagpo siya ng bago at totoong kaibigan sa katauhan ni Kath pati na rin sa iba pa nilang nakasama sa pelikula.
“My very good girl, we’re about to reach the finish line of this insane journey and the sepanx is slowly creeping in,” ang simulang caption ni Dolly sa ipinost niyang litrato ni Kathryn sa IG.
“So before our film hits the world, let me thank you for being there for me, always looking out for me, supporting me in my other projects (a little birdie told me about the block screening of Iti — ikaw talagaaaa), for being inclusive and making me feel comfortable in situations I’m not used to, for making me laugh and for just being your crazy little you,” patuloy pa niya.
Aniya pa, napakarami niyang natutunan habang ginagawa ang latest offering ng Star Cinema pero ang pinakamagandang nangyari raw sa kabuuan ng kanilang trabaho ay ang makilalala nang bonggang-bongga si Kath.
“Many things are good and great about our film but you were the best ‘surprise!’ of them all.
“Thank you, Kath. Forever an honor. Forever on your side (alam mo ‘yan). Love you to the moon and back,” mensahe pa ng beteranang aktres.
In fairness, nag-reply naman agad si Kathryn sa punumpuno ng pusong IG post ni Dolly, “Ms. D! Baka matulak kita ng mas malakas nyan… huhu stop it. Love u so mucho!”
Showing na ang “A Very Good Girl” sa mga sinehan nationwide simula sa September 27. Ipalalabas din ito sa Amerika sa October 6.
Ka-join din sa movie sina Jake Ejercito, Angel Aquino, Chie Filomeno, Donna Cariaga, Gillian Vicencio, Ana Abad Santos, Kaori Oinuma, Althea Ruedas, Nathania Guerrero, at Nour Hooshmand.