Ricci Rivero at Leren Mae Bautista (Photos from Facebook)
INUULAN ng tukso at pang-ookray ngayon ang basketball player at aktor na si Ricci Rivero matapos kumalat ang litrato nila ng beauty queen na si Leren Mae Bautista.
Viral na sa social media ang isang TikTok video kung saan makikita nga sina Ricci at Leren na magka-holding hands habang namamasyal umano sa isang amusement park.
Walang nakalagay sa video kung kailan kinunan ang video pero base sa mga comments ng netizens ay sa Laguna raw naispatan ang dalawa na magkasama.
In fairness, mukhang wala na ngang itinatago sa publiko ang rumored couple dahil game na game pa silang nagpa-picture sa mga taong nakakasalubong nila.
“Who are we to judge?” ang maikling caption sa nakalagay sa nasabing TikTok video na ipinost ng netizen na may handle na @memememe.meow. Sabi pa ng nag-upload, “Credits to the rightful owner of this video. #ricci #riccirivero #leren #lerenmaebautista #lerenmae #losbaños #bagonglosbaños #losbañoslaguna #fyp.”
Bukod dito, may isa pa kumakalat na TikTok video sa social media na may caption na, “Photos of Leren Mae Bautista and Ricci Rivero, September 23,2023 at Los Baños Laguna.”
Ito rin ang makikita sa TikTok video na ipinost sa X at Facebook page ng “Kapamilya Online World.” Sabi sa caption, “WATCH: Ang sweet holding hands nina Ricci Rivero at Leren Mae Bautista habang nakikihalubilo sa kanilang tagahanga.”
Baka Bet Mo: Aljur may hamon kay Kylie: Tell them who cheated first
Hanggang ngayon ay wala pang diretsahang pag-amin sina Ricci at Leren tungkol sa tunay na estado ng kanilang relasyon. Pareho nilang dinenay noon na may namamagitan ng something sa pagitan nila.
Pero ang paniniwala ng marami, matagal nang magdyowa ang dalawa at nadamay pa nga si Bea Alonzo dahil akmang-akma raw kina Ricci at Leren ang hugot noon ng Kapuso actress na, “Time is the ultimate truth teller.”
Narito ang ilan sa mga comments ng netizens sa hawak-kamay photo nina Leren at Ricci.
“Sweet naman nyarn.”
“Time is the truth teller tologo.”
“Hawak kamay yarn. ang mag auntie.”
“Time is the ultimate truth teller talaga, congrats sa inyong mag tita.”
Hindi ito ang unang pagkakataon na nakitang magkasama ang dalawa. Nakukan din sila noon habang naglalakad sa freedom park ng isang state university sa Los Baños, Laguna.
Bukas ang BANDERA sa magiging paglilinaw nina Ricci at Leren hinggil sa isyung ito.
Ricci Rivero, Leren Bautista spotted na magkasamang namimili sa mall, may ‘something’ nga ba?