Amy Perez
NAPAKASAKIT para kay Amy Perez nang dumating na ang araw na kinatatakutan niya — yan ay ang pag-alis ng kanyang anak sa kanilang tahanan para makapagsolo na.
Hindi naging madali para sa TV host at aktres ang tanggapin na kailangan na siyang “iwan” ng anak na si Adi para maging independent at mamuhay nang mag-isa.
Sa panayam ng talent manager at vlogger na si Ogie Diaz kay Amy na napapanood sa kanyang YouTube channel, napag-usapan nga ang tungkol sa dilemma ng lahat ng nanay tungkol sa isyu ng “letting go.”
“Dumating siya (Adi) du’n sa point na 21 na siya, so nung nagpaalam siya na gusto niya nang mag-solo.
“Ito, habang ginagawa ko ang showtime nang araw-araw, ha, na hindi alam din ng mga tao na may dagok yun for me, na yung anak ko gusto nang mag-solo.
“So nu’ng sinabi ko yun sa mommy ko, sabi niya, ‘E, bakit? Ikaw din naman, nag-ask ka din naman ng independence mo nung 21 ka.’
“‘Parang pareho lang. So bakit hindi mo yun ibibigay sa anak mo?'” pagbabahagi ng “It’s Showtime” host.
Ngunit dumating din naman daw yung pagkakataon na natanggap na niya ang naging desisyon ng anak dahil kailangan niyang tanggapin sa sarili na hindi niya kontrolado ang mga pangyayari.
“Hindi naman natin mapipigilan na yun. Kailangan ko rin irespeto yung gusto nu’ng anak ko,” sabi pa ng aktres.
Aniya pa, “Siyempre, masakit yun for me, kasi lalo na sa case ni Adi, kasi for the longest time, kami yung magkasama, di ba?
“At alam ko din na may mga times noon nu’ng medyo bata siya, na may mga naging decision ako na hindi niya gusto or nakita niya na nasaktan ako. And yet, nandu’n lang din siya.
“So nu’ng time na nagpapaalam na siya, parang hindi ko matanggap na parang, ‘Ha? Ba’t siya aalis?
“Ba’t siya magsasolo? May kulang ba sa akin? May mali ba?'” ang tanong pa ni Amy sa kanyang sarili noon.
Andrea ayaw pang magdyowa uli: Gusto kong mag-isa muna para pag dumating yung next, all-out ulit!