PHOTO: Screengrab from Instagram/@lauvsongs
TRENDING ang recent social media post ng sikat na American singer-songwriter na si Lauv.
Paano ba naman kasi, tila nagkaroon siya ng follow-up concert kung saan ay live siyang nagtanghal sa isang sikat na fastfood restaurant sa Pilipinas.
Magugunitang nandito sa ating bansa ang singer dahil nagkaroon siya ng concert sa Cebu at Manila noong September 9 at 11.
Sa isang Instagram post, ibinandera ni Lauv ang isang short video at ikinuwento pa ang bonggang experience.
Caption ng American singer, “It was a Monday in Manila. I finished a photoshoot and got hungry so we went to @jollibee to catch some grub and then THIS happened…”
Mapapanood sa video na magpapa-picture lang sana si Lauv sa mascot ng sikat na fastfood chain, ngunit bigla raw siyang nagutom kaya pumasok siya sa loob.
Inamin niya rin na namangha siya sa ginagamit na mic ng mga staff upang i-announce ang orders kaya naman naisipan daw niyang i-testing ito.
“So then we asked if I could sing them a lil song backstage hehe,” saad sa caption ng video.
Siyempre, pumayag naman ang mga staff ng fastfood branch at hinayaang kumanta ang international singer ng kanyang hit song na “I Like Me Better.”
Sey pa ni Lauv sa post, “I can’t believe they let me do this.”
“Ngl (not gonna lie) I was kinda nervous,” dagdag niya.
Tuwang-tuwa naman ang mga nakasaksi ng live performance ng singer at pinalakpakan siya ng bonggang-bongga.
Pagkatapos niyang kumanta, ipinakita niyang kumain siya ng iconic na chickenjoy ng fastfood chain at nagpa-picture pa kasama ang mga staff.
Walang detalye kung saang branch bumisita si Lauv, pero halatang-halata naman na nag-enjoy siya.
Sey pa nga niya sa dulo ng video, “I wanna go back FOREVER.”
Related Chika:
Pelikulang gagawin sana ng sikat na aktres at aktor napurnada dahil sa selosong dyowa ni ate gurl