Yeng Constantino
SA WAKAS, makalipas ang 17 taon sa entertainment industry, matatawag na rin ni Yeng Constantino na kanyang-kanya ang lahat ng isinulat niyang mga kanta.
Tuwang-tuwa ang award-winning singer-songwriter na pinagbigyan siya ng dati niyang record label na Star Music na ma-acquire ang buong catalog ng kanyang mga songs.
After two decades, tuluyan na ngang nagpaalam si Yeng para lumipat sa bago niyang tahanan, ang Republic Records Philippines. Paliwanag ni Yeng, ito’y bahagi ng ginagawa niyang paghahanda sa kanyang future.
“17 years na ako sa industry and hindi naman tayo bumabata so parang as I’m getting older, I think I’ve been like this simula pa naman nu’ng umpisa, I always think about the future.
“Itong trabaho namin it’s not forever and what do I have to do in the present para ma-secure ko ang akin retirement pagtanda,” ang simulang pagbabahagi ng singer-actress sa isang panayam.
“Isa lang to sa mga steps na ginagawa ko para mas ma-secure ‘yung future ko. Eventually I think ‘yung songs are an investment as well,” dugtong pa niya.
Pagbabahagi pa niya sa pag-alis sa Star Music, “I’m so lucky kasi hindi siya naging war, walang ganu’n na nangyari. Ako mismo personally, pumunta pa ako ng Star Music. Naiyak pa nga ako kasi siyempre laking hiya ko.
“Ayoko po mag-come off as ungrateful, ayoko pong ma-feel na I’m abandoning you guys it’s not that it’s more of a personal reason,” paglilinaw pa ni Yeng.
Ayon pa sa Kapamilya star, mas marami na siyang pwedeng gawin ngayon sa kanyang mga hit songs, kabilang na nga riyan ang maglabas ng mga bagong version nito na aayon sa panahon ngayon.
“The good thing about owning my songs na ngayon, pwede kong irewrite yung lyrics kasi siyempre nagrgrow din ako bilang songwriter. May mga songs dun na natatawa ako. I think I’m evolving as a songwriter as well,” paliwanag pa ni Yeng Constantino.
Hugot ni Yeng: Lagi kong tinatanong noong bata ako, ‘Mahal ba talaga ako ni Mama?’
Ryan nanghinayang sa kanila ni Yeng: Hindi ko napanindigan ‘yung nararamdaman ko