Jamari Yllana at Abby Viduya
SHOOKT na shookt ang aktres at dating sexy star na si Abby Viduya nang biglang mag-propose sa kanya ang partner na si Jomari Yllana.
Pinusuan at ni-like ng napakaraming netizens ang engagement photos ng celebrity couple na nangyari habang nagbabakasyon sila sa Hong Kong.
Ipinost ni Abby ang mga litrato nila ni Jomari sa kanyang Facebook account kahapon, August 21, na may caption na, “He proposed and I said ‘Yes.’ This was such a big surprise! I wasn’t expecting this baby.
“I couldn’t stop crying. You make me so happy baby. I love you for eternity (heart emoji),” mensahe pa ni Abby.
Dugtong pa ng aktres, “Funny thing is all our wedding plans is set but you wanted to propose to me where our love began 30 years ago. So excited for our future as husband and wife. You are the sweetest baby.”
Sa panayam ng ilang members ng entertainment media kamakailan kay Abby, naikuwento niyang almost six months silang LDR (long distance relationship) ni Jomari noong 2019.
Pinauwi ni Jom si Abby sa Pilipinas na naka-base noon sa Canada, para magsama na sila. Dito na raw nagdesisyon ang aktres na mag-live in na sila ni Jomari.
Baka Bet Mo: Jomari Yllana namanhikan na sa pamilya ni Abby Viduya: ‘#Call me old fashioned’
“I knew kasi na with him, alam ko kasi I’m happy with him. And I know that I love him back to the time na LDR pa lang kami. Di ba? Actually before pa. Bata pa lang kami, love ko na si Joms.
“So it didn’t actually take much convincing, e. All our conversations during our LDR time, ano na, e, you’ll know right away. I knew right away that he’s the one for me,” sey ni Abby.
“Yung pinag-usapan kasi namin is give it a chance. Right, di ba? (sabay tingin kay Jom). Give it a chance but if it doesn’t work out, no hard feelings. If ever it didn’t work out, we’re gonna separate na ganu’n pa rin.
“We’re still friends. Kasi ano, e, I think we were mature enough to be able to handle that. Iba yung LDR, iba pag magkasama na kayo.
“But lucky kami. When we got back together, when we saw each other, we just clicked. We just hit it off,” sabi pa ni Abby.
Samantala, hindi rin daw sila nagkakatampuhan o nag-aaway. Chika pa ng future wifey ni Jomari, “Wala! Paano ba namang magkaka-LQ?! Ang tanda na namin para magkaroon ng LQ!”
Sey naman ni Jomari, “At saka ano, ano kami, in times of crisis kami lang siguro yung nakakahanap ng katatawanan! Ha-hahahaha! Habang pinagdadaanan.”
Agree rin dito si Abby, “Oo, totoo. Everything that is…” na sinalo naman agad ni Jom, “Everything that is nega and crisis, nahahanapan namin ng katatawanan! You find humor in everything… you find humor in everything.
“Lalo na yung mga pagsubok. Siguro, kami ni Abby, du’n kami pinakamasaya sa isa’t isa. Kasi, totoo yung may pagsubok na dumadaan sa amin na naha-handle namin, naitatawid namin.
“Dahil ano kami, e, kapag nakahanap na kami ng humor in a situation, and nagdasal na kami, okay na kami,” paliwanag pa ni Jomari.
Abby Viduya love na love si Jomari Yllana: ‘He is my first and last!’
Jomari hindi inaakalang makakabalikan si Abby Viduya: Never naming naisip ‘yun