PHOTO: Instagram/@missizacalzado
INALALA at nagbigay-pugay ang award-winning actress na si Iza Calzado sa yumaong ama at TV director-choreographer na si Lito Calzado ngayong Father’s Day.
Para sa mga hindi pa masyadong aware, ito ang ika-12th year na nagdiriwang ng Father’s Day ang aktres na hindi kasama ang kanyang tatay.
Kung matatandaan, noon pang November 2011 nang pumanaw si Lito dahil sa liver cancer.
Sa pamamagitan ng Instagram, lubos na nagpasalamat si Iza sa kanyang ama dahil sa ibinigay na pagmamahal.
“Thank you for always wrapping me in your warm, sweet and comforting embrace,” mensahe niya sa post.
Ayon pa sa aktres, si Lito ang naging dahilan kaya nabibigyan niya ng “genuine love” ang kanyang anak na si Deia Amihan.
“You taught me how to express love so genuinely and I am able to show my child so much love because I learned from the best,” paliwanag ng aktres.
Dagdag pa niya, “I love you! [heart emoji].”
Baka Bet Mo: Iza Calzado chinika kung bakit ‘Deia Amihan’ ang ipinangalan sa anak
Matatandaan noong Enero, ilang araw bago niya ipanganak ang kanyang first baby, ay nagpaabot din ng birthday message si Iza para sa kanyang ama.
Sa naturang post, hiniling niya kay Lito na lagi silang gabayan at bantayan ng kanyang anak.
Noong nakaraan buwan naman, ibinahagi ni Iza sa kanyang panayam sa “Magandang Buhay” na namana ni Baby Amihan ang energy ni Lito at dahil daw dito ay madalas niyang maalala ang kanyang ama.