Rhian Ramos ất Sam Verzosa
MAKALIPAS ang ilang taon, muling magkakasama sa isang Kapuso teleserye sina Rhian Ramos at Dingdong Dantes.
Una silang nagtambal sa GMA series na “Stairway to Heaven” na sinundan ng “Genesis” pero sa upcoming primetime murder mystery drama na “Royal Blood” gaganap naman silang half-siblings.
Kaya naman sa naganap na grand mediacon ng “Royal Blood” ay naitanong kay Rhian kung may nabago na sa working relationship nila ni Dingdong after several years.
“Well, it’s definitely different kasi because the chemistry of the character is different but really behind the scenes, it’s just the same.
“He is so easy to work with, an amazing actor, and, actually, I think we just all care so much about what we’re doing that kahit ano naman ‘yung role na ibigay parang we just want it to be as realistic as possible,” pahayag ng Kapuso actress.
Sa kuwento ng upcoming Kapuso series, gaganap si Rhian bilang si Margaret, ang asawa ni Andrew na gagampanan naman ni Dion Ignacio at pangalawang anak ni Gustavo Royales played by Tirso Cruz III.
“I’m really enjoying the character that I’m portraying, Margaret, so thank you so much to all of our creatives for blessing me with this character.
“In general, it’s a reunion with a lot of people that I worked with before. And, I’m excited because I get to explore also working with everybody else for the first time.
Baka Bet Mo: Rhian ayaw pang mag-asawa kahit 31 na: For me, ang dami ko pang gustong gawin at ma-achieve
“I absolutely love having a gray character because I honestly believe in real life all people are gray. I love the challenge and the intensity na kailangan naming makuha with every scene.
“I love that she is feisty and alam mo ‘yun, kakaiba. It’s nice to do ‘yung magkakaibang role, ‘yung hindi siya the same as your last, there’s always something to explore and learn,” lahad ni Rhian.
Samantala, nagbigay din ng update ang dalaga tungkol sa kanyang boyfriend na si Sam Verzosa. Inamin niya na totoong nag-break sila noon pero naayos din nila ang kanilang problema.
Aniya, mas naging strong pa raw ang relasyon nila nang maghiwalay at magkabalikan. Mas nagkakaintindihan na raw sila ngayon when it comes to being a couple, “We’re okay, we’re good and we’re happy with each other.”
Inamin niyang hindi rin perfect ang relasyon nila ni Sam, “Wala naman akong naging relationship…na hindi kami nag-away or anything. But kami (ni Sam) we’re mature enough to get through struggles or problems. Actually, it made us stronger.”
“There was a lot of talking. I guess, the biggest realization for me was that communication really can fix everything.
“Lahat ng bagay maaayos pala sa maayos na usapan. I think it’s important for everyone to learn but not a lot of us naman have the best communication skills.
“Sometimes, we’re upset that we can’t even say what’s wrong, and we don’t even know. So, yeah, it was a lot of talking on so many different topics. Like there were things na pwede rin naman palang ganu’n lang,” aniya pa.
Mapapanood na ang world premiere ng “Royal Blood” sa June 19, 8:50 p.m. sa GMA Telebabad. Ito’y mula sa direksyon ni Dominic Zapata at pinagbibidahan din nina Tirso Cruz III, Rabiya Mateo, Mikael Daez, Megan Young at marami pang iba.
Rhian Ramos may bagong dyowa na, rumampa sa GMA Gala Night kasama si Sam Verzosa