Charlene Gonzalez, Aga Muhlach, Atasha at Andres Muhlach
HINDI nag-date at wala ring naganap na “kissing scene” sa pagitan nina Aga Muhlach at Charlene Gonzalez bago mangyari ang kanilang engagement at kasal 22 taon na ngayon ang nakararaan.
Kuwento ni Aga, walang naganap na ligawan stage nang mag-propose siya kay Charlene, basta ang nasa isip lang niya that time ay gusto na niyang mapangasawa ang aktres at dating beauty queen.
“Ang hirap ipaliwanag talaga. It’s not the normal route that people take, but it’s 22 years later. And really, the time went by so fast,” ang pahayag ni Charlene sa panayam ni Karen Davila na mapapanood sa YouTube channel nito.
“Leading up to it, there were a lot of things that kind of fell into place. It was so smooth. You know that it was guided. It felt right,” dugtong pa ni Charlene.
Tawa naman nang tawa ang celebrity couple nang tanungin nga ni Karen kung nag-kiss man lang ba sila bago naganap ang marriage proposal ni Aga.
“No!” ang magkasabay na tugon ng mag-asawa habang tumatawa.
Esplika ni Aga, “I had to make sure because I have to be very honest. I had to make sure this is love, not lust.”
Sabi naman ni Charlene, nagsimula lamang silang mag-date matapos ang engagement nila ni Aga at makalipas lang ang siyam na buwan ay pinlano na nila ang kanilang wedding.
Nagkasama sina Aga at Charlene weekly sitcom noon ng ABS-CBN na “Oki Doki Doc” na nagsimula noong 1993 at tumagal hanggang 2000. Napasama sa cast si Charlene noong 1999.
Baka Bet Mo: Aga sa kambal nila ni Charlene: Paglaki ng mga iyan mag-aasawa, iiwan din tayo..magpapamilya
“I think in the beginning, Aga and I have always been good friends. Maganda ‘yung relationship namin. We really got along well,” pahayag ng former beauty queen.
Naaalala pa ni Aga yung araw nang maramdaman niyang gusto na niyang maging asawa si Charlene.
“This may sound kind of corny siguro ito, but in the middle of our kwentuhan, nakatingin lang ako sa kanya and we were having so much fun. We were just laughing ganyan, and I said to myself, ‘She’s my wife.’
“And I said, remember sinabi ko, nakatayo siya on top of this rock [sabi ko sa sarili ko] if ito tumalon sa akin ‘to, ito asawa ko.
“You know what? Tumalon siya sa akin, sinalo ko talaga siya. Kinilabutan na ako nu’n and I decided right there and then, my birthday August, we are flying to Singapore for taping of ‘Oki Doki Doc’ and I said I’m gonna propose,” rebelasyon pa ni Aga.
Inimbita raw niya ang kanilang mga kaibigan sa kanyang out-of-the-country birthday trip, “I said it was gonna happen and I said ‘pag ako binasted, sabi ko, liligawan ko talaga ito. Pasasagutin ko talaga ito. And I just popped that question.”
Sabi naman ni Charlene, “You know, it’s strange. Totoo pala ‘yun na when the moment is there and you know it’s right, you have confidence with your yes, it’s easy.
“And after I said it, I really told myself, ‘Wow, I’m getting married, he’s gonna be my husband.’ And it was with a free heart. It felt so right and totoo pala ‘yun. It’s hard to explain,” ang pag-amin pa ni Charlene.