Piolo Pascual gaganap na paring serial killer sa horror-drama movie na ‘Mallari’
Piolo Pascual
MULING mapapanood sa big screen ang premyado at box-office actor na si Piolo Pascual sa isang horror-drama movie na may titulong “Mallari.”
Ang nasabing pelikula ay inspired by true story tungkol sa Filipino Catholic priest na si Juan Severino Mallari.
Si Father Mallari ang nag-iisang documented serial killer mula sa Pilipinas sa panahon ng Kastila. Ang pelikula na tatalakay sa naging buhay niya ay ididirek ng multi-awarded director at independent film veteran na si Derick Cabrido.
View this post on Instagram
Isasalaysay ng pelikula ang buhay at trabaho ni Father Mallari bilang kura-paroko sa Pampanga kung saan pinatay niya ang 57 katao para tulungan ang kanyang ina.
Ang pelikula ay isang yugto ng horror piece na sumasaklaw sa tatlong timeline: ang pananakop ng mga Espanyol, ang panahon pagkatapos ng digmaan, at ang kasalukuyang panahon, kung saan si Piolo ay may kakaibang karakter sa bawat isa.
Baka Bet Mo: Angeli Khang Box-Office Queen ng Vivamax; classic movie nina Tito, Vic & Joey iri-remake nina Mikoy, McCoy at Jerald
Nang i-pitch kay Piolo ang script ay kaagad niya itong binasa at excited siyang gawin ang proyekto dahil first time niyang magbida sa isang horror movie gayundin ang pag-portray ng maraming karakter sa isang pelikula.
View this post on Instagram
Ang pagsali sa powerhouse team ay ang kapwa baguhan sa ganitong genre, ang producer na si John Bryan Diamante ng Mentorque Productions, at ang nasa likod ng production team ay ang napakatalino na pag-iisip ng manunulat at malikhaing producer na si Joaquin Enrico Santos, ang puwersa sa likod ng mga blockbuster movie tulad ng “An Inconvenient Love”, at ang “The Trial.”
Si Cabrido naman ay hindi na bago sa genre. Ipinagmamalaki niya ang isang indie filmography na may mas madidilim na tema, kabilang ang “Children’s Show” at ang supernatural na horror na “Tuos” na pinagbibidahan ng National Artist na si Nora Aunor na itinampok sa Cinemalaya Independent Film Festival.
Kamakailan ay idinirek ni Cabrido ang Netflix Originals movie na “U-Turn” na pinagbidahan nina Kim Chiu, JM de Guzman, at Tony Labrusca, ang pelikulang Clarita ni Jodi Sta. Maria kung saan nagwagi siya bilang Best Director sa Fantasporto Film Festival sa Portugal at ang Mirabile Dictu Film Festival sa Vatican City.
Ang “Mallari” ay produced nina John Bryan Diamante ng Mentorque Productions at Cleverminds Inc. mula sa panulat ni Joaquin Enrico Santos.
Vice umaming nagkaproblema sa pagpapatawa: OMG! Kinakalawang yata ako!
Kathryn hugot na hugot: 2 Good 2 Be True may be over, but my love for this family is here to stay
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.