Ronnie Liang
“INVESTMENT” kung ilarawan ng singer-actor at celebrity reservist na si Ronnie Liang ang patuloy niyang pagpupursigi sa pag-aaral.
Pagkatapos makuha ang kanyang master’s degree sa management last year, nagdesisyon siyang mag-enrol at kumuha ng PhD in Development Administration, majoring in Security Development.
Sa Philippine Christian University pa rin siya pumasok kung saan din niya tinapos ang kanyang master’s degree in management noong 2022.
Ibinahagi ito ni Ronnie sa kanyang Instagram account kalakip ang kanyang photo bilang estudyante, “Noong nasa college pa lang ako, plan ko na talaga mag-master’s degree then mag-PhD.
“Pero nakapasok ako sa ‘Pinoy Dream Academy’ after college and naging busy noon kaya na-delay.
“I have all the time and means to study now, kaya talagang tatapusin ko itong PhD sa Philippine Christian University,” pahayag pa ni Ronnie.
Pagpapatuloy pa ng aktor, singer, piloto at military reservist, “This is not just another degree but also an investment in my future because I know I will not be a singer and actor forever. So now I am preparing for a career beyond my current profession.
“As someone who deeply values personal growth and lifelong learning, I know that this will require hard work, dedication, and sacrifice.
“But it will also transform me in many ways that I cannot even imagine,” pahayag pa ng binata.
Sa isa pa niyang IG post, nabanggit din ni Ronnie na uma-attend siya ng face-to-face at online classes, “Depende rin sa assigned schedules ng university. Matatapos ko ito in two years or more, if matapos agad ang dissertation.”
#IkawNa: Ronnie Liang Army reservist at commercial pilot na, may Master’s degree pa
Yassi umaapaw ang blessings; masaya at nag-eenjoy sa business at investments