PHOTO: Screengrab from Instagram/@victoria_belo
HINDI na ma-reach ang kasusyalan ng celebrity doctor na si Vicki Belo!
Paano ba naman kasi, nagkaroon siya ng “private concert” sa kanyang tahanan mula sa legendary musician at producer na si David Foster at misis nito na singer-songwriter na si Katherine McPhee.
Ang memorable moment ay ibinandera mismo ni Dra. Vicki sa Instagram nitong March 24.
Ayon pa sa celebrity doctor, “Dream come true! David Foster playing on our piano and Kat’s gonna sing for me, my own private concert.”
Mapapanood na nag-duet ang dalawang international artists at kinanta ang “Smile” ni Nat King Cole, pati na rin ang 2010 hit single mismo ni Katherine na “Terrified.”
Caption pa ni Vicki sa IG post, “Just a casual Friday at home— @davidfoster and @katharinefoster jamming with our #piano [sparkling emoji] Entire household will be singing #Terrified until further notice.”
Baka Bet Mo: Belo may 2 bahay sa isang exclusive village, bakit nga ba nagtatrabaho pa kahit buhay-reyna na?
Libo-libong netizens naman ang nagulat at napa-wow sa nasabing post.
Narito ang nabasa namin sa comment section:
“This is nice! Now this is a real successful woman. Humble, but you can see from her connections that she is something [red heart emojis].”
“Grabe yung ‘just a casual friday’ Doc! Ibang level yung David Foster na tumatambay lang sa bahay niyo.”
“Wow that’s awesome [clapping hands emoji] and incredibly lucky to have them doing an impromptu concert in your living room.”
Bumisita sa bansa sina David at Katherine para sa kanilang concert series na ginanap noong March 21 hanggang 26 sa Solaire sa Parañaque City.
Related Chika:
ABS-CBN gagawan ng Pinoy version ang Doctor Foster; sina Juday at Piolo nga ba ang bibida?