PHOTO: Screengrab from Instagram/@iamsuperbianca
TAPOS na ang kaarawan ng TV host na si Bianca Gonzalez, pero may pahabol gift pa ito para sa kanyang sarili.
Tinupad niya ang isa pa niyang “bucket list” na makapag-solo trip sa Bhutan, isang maliit na bansa sa may timog Asya.
Makikita sa Instagram post ni Bianca na talaga namang nag-enjoy siya sa naging memorable experience.
Sey pa niya sa pinuntahang lugar, “You are absolutely MAGICAL [sparkling emojis] My heart, soul and mind are forever grateful for this experience [white heart emojis].”
Naaikuwento pa niya na na-miss niya ang mga ganitong klase ng pag-travel kaya nagpaalam agad siya sa kanyang mister na si JC Intal at pinayagan naman daw siya agad.
Chika niya, “When my husband asked me how I wanted to celebrate my 40th birthday, I told him I wanted to go on a solo trip.”
Baka Bet Mo: Bianca Gonzalez may ‘birthday gift’ sa sarili, pina-tattoo ang pangalan ng mga anak
Kwento pa niya, “Before I got married and had kids, I really enjoyed traveling alone so I knew it was something I wanted to experience again.”
“When he asked where to, I said, ‘Bhutan.’ It had always been on my bucketlist and I wanted to gift myself with this trip but my husband said no, he wanted to give it to me as his gift. And a deeply meaningful gift it was,” ani pa ni Bianca.
Lubos niyang pinasalamatan ang kanyang asawa dahil sa buong suporta na ibinigay nito na matupad ang isa sa kanyang mga pangarap.
Maswerte, aniya, siya na magkaroon ng napaka-supportive na pamilya.
“Thank you mahal for not just this gift, but the gift of your support with my personal dreams and goals, the gift of your caring for me, Lucia and Carmen, and the gift of allowing me my space and encouraging me to spread my wings [white heart,]” sey niya sa post.
Dagdag pa niya, “I am so lucky to have a life partner in you, @jcintal7. My spirit is immensely full and I am so excited to hug you and the girls very, very soon!!”
Kamakailan lamang ay nagpa-tattoo si Bianca bago ang araw ng kanyang 4th birthday.
Ipinalagay niya sa kanyang dalawang braso ang pangalan ng kanyang mga anak na sina Lucia at Carmen.
Matatandaang ikinasal sina Bianca at JC noong 2014.
Taong 2015 nang ipinanganak ni Bianca ang panganay nila na si Lucia Martine at noong 2018 naman nang isinilang niya si Carmen Eliana.
Related Chika:
Janine gustong makilala ng tao sa talento: I always wanted to be more than just pretty…