NAKAKA-TURN off ang talent manager na gumagamit ng ibang tao para pag-usapan ang mga talents niya dahil naniniwala siya na kahit negatibo ang mga balita ay publicity pa rin ito.
May alaga ang talent manager na laging nasusulat ng hindi maganda dahil sa ugali nito na kadalasan ay inirereklamo ng mga ka-trabaho sa production.
Pansin namin imbes na ayusin o patayin ang isyu ay dedma ang talent manager at nagpapa-interview pa siya na may halong gatong saka sasabihan ang mga nakakausap na reporter na ‘off the record.’ Ganu’n lagi ang senaryo.
Hanggang sa may ibang alaga ulit ang talent manager na nasangkot tungkol sa pelikulang ginagawa kung sino ang dapat mauna sa billing na ikinaloka ng producer.
“Nagde-demand ng billing, e, wala pa naman napapatunayan ang mga alaga niya? Hindi nga remarkable ang performance. Ayaw kasi niyang ipa-workshop, ayaw gumastos,” tsika ng taga-production.
Baka Bet Mo: Lolit Solis super saya sa pagdalaw ni Paolo Contis: Talagang mukha siyang happy at contented!
At heto ang siste, “para mapansin ‘yung alaga niya na dapat nasa taas ang pangalan, ibinalik ang dating isyu para pag-usapan. Trinace namin, eh, sa kanya galing kaya umingay na naman. Tapos dedma siya.”
Nagtagumpay naman ang pagbabalik ng isyu dahil may inquiry ngayon ang alaga niya para sa isang TV series, ha, ha, ha success ang plano.
Anyway, simple lang si talent manager, bait-baitan at galang-galangan kaya hindi halatang may mga pasabog din pagtalikod.
Related Chika:
Kilalang aktor pasikretong gumagamit ng ‘gamot’ para kumalma sa shooting
Wilbert Tolentino pumalag sa blind item tungkol kay Herlene Budol: Obligasyon kong protektahan siya