PHOTO: Instagram/@iamhearte
KINARIR ng fashion icon at influencer na si Heart Evangelista ang pag-aayos sa kanyang nabiling apartment sa Paris.
‘Yan ay kahit abala siya sa kanyang trabaho doon sa kasagsagan ng Paris Fashion Week.
Sa Instagram, ibinandera ni Heart ang ilang litrato ng kanyang pagsho-shopping, pati na rin ang pagbibitbit niya ng mga malalaking gamit sa bahay.
Sinabi pa nga ng fashion icon, “The struggle is real but definitely —- satisfying!”
Nakuwento rin niya na isa sa mga paborito niyang gawin ay ang pag-aayos ng bahay.
“Decorating and fixing a home is one of my ultimate favorite thing to do!,” caption niya.
Baka Bet Mo: Heart excited nang bumili ng mga furniture para sa nakuhang apartment sa Paris: ‘I’ll be there a lot because…’
Nagpasalamat din siya sa lahat ng mga tumulong sa kanya sa Paris upang makumpleto na niya ito.
Sey niya sa IG caption, “Thank you to all my loved ones here in Paris for helping me (3/4 days during fashion week) complete my sweet home [emojis].”
Kamakailan lang ay nag-viral sa social media si Heart matapos i-post ang kanyang pictures na may buhat na napakalaking halaman habang tumatawid sa isang kalsada sa Paris.
Tuwang-tuwa ang netizens dahil kapansin-pansin na nakapustura pa ito at walang pakielam kahit may halaman siyang dala.
Caption pa niya sa nasabing post, “Moving in / errands / fashion week [emojis].”
Narito ang kwelang komento ng ilang netizens sa IG post ni Heart:
“Pag si Heart nagbitbit ang sosyal, pag ako karkador ang peg, saan ang hustisyaaa? [laughing emoji].
“Ikaw lang ang natatanging napaka chic and beautiful pa rin kahit nagbubuhat ng halaman.”
“‘Yung kinuha mo yung halaman sa gilid ng bahay ng walang paalam. Pero dapat maganda ka pa rin para ‘di halata.”
Related Chika: