MULING pinasalamatan ng controversial TV host-comedian na si Vhong Navarro ang kanyang pinakamamahal na wifey na si Tanya Bautista.
Sa kanyang social media account, ibinandera ng komedyante ang birthday message niya kay Tanya na pinusuan at ni-like ng kanyang mga fans at followers.
Nag-post si Vhong sa Instagram ng litrato ng kanyang misis kalakip ang pagpapasalamat niya sa lahat ng pagsuporta, pagpapasensiya at pagmamahal sa kanya mula noon hanggang ngayon.
“Walang sawang pagpapasalamat sa pagmamahal at pagtitiyaga mo sa akin…
“Mahal na mahal kita my Wonder Woman! Happy Birthday Mahal ko!” ang bahagi ng birthday message ni Vhong kay Tanya.
Kung matatandaan, last month, binigyan din ni Vhong ng tribute ang kanyang better half matapos dumaan sa matitinding pagsubok nitong nagdaang taon. Sinabihan pa niya si Tanya ng, ”Ikaw ang superhero ng buhay ko.”
Nakulong si Vhong noong nakaraang taon sa National Bureau of Investigation detention cell sa loob ng dalawang buwan ay dalawang linggo naman sa Taguig City Jail kaugnay ng kasong rape na isinampa ng dating model na si Deniece Cornejo.
Nakalaya siya pansamantala noong December, 2022 matapos magpiyansa ng P1 million.
Ilang beses nang idinenay ng TV host ang akusasyong rape laban sa kanya at ang tanging kasalanan lang daw niya ay ang pagiging “unfaithful” kay Tanya.
Related Chika:
Vhong humagulgol sa kulungan nang iwan na ng asawa: Makikita mo talaga sa mukha niya bagsak…pinipilit niyang kumain
Asawa ni Vhong Navarro natatakot para sa seguridad ng TV host-comedian
Vhong kay misis: Maraming salamat Mahal dahil lagi kitang nasa tabi sa hirap at sa ginhawa