PHOTO: Instagram/@maria.elena.adarna
SA murang edad pa lang, tila alam na alam na ng anak nina Ellen Adarna at John Lloyd Cruz na si Elias ang kanyang gusto paglaki.
At ‘yan ay maging isang YouTube vlogger!
Sa Instagram, ibinadera ni Ellen ang video ng kanyang 4-year-old baby na ipinapakita ang iba’t-ibang klase ng toy gun at isa-isa pa itong ipinapaliwanag.
Kahit si Ellen ay parang nagulat nang mapanood ang recorded video sa kanyang iPad.
Sabi pa ng aktres, gustong magkaroon ng sariling YouTube channel ang kanyang anak at mismong si Elias ang nagsabi sa kanya na i-upload ang nasabing video.
“One of his videos I found on my iPad,” caption ni Ellen.
Dagdag pa niya, “He wants his own youtube channel [laughing emoji] FYI – he told me to post this.”
Maraming netizens naman ang nagulat lalo na’t nakakaintindi pala si Elias ng salitang Tagalog, English at Bisaya.
Narito ang ilan sa mga nabasa naming komento:
“Wow!! he understands tagalog bisaya and english [smiling face with hearts emoji]”
“This kid is such a cutie. He deserves his own YT channel where he can express himself starting of by sharing his thoughts about the toys that you’re giving him.”
“He has a good future career [red heart emojis] Love the way Elias talks. You can see he’s a smart boy.”
Matatandaang taong 2020 nang kinumpirma ni Ellen na hiwalay na sila ni John Lloyd.
Related chika:
Celeste Cortesi kinakarir ang pag-aaral ng Tagalog; may plano pa bang sumali uli sa beauty pageant?