50% ng Pinoy ‘basted’, 33% nakararanas ng ‘one-sided’ love – SWS

ISA ba kayo sa mga “martir” o madalas ma-”basted” sa pag-ibig?

Nako, hindi kayo nag-iisa diyan dahil marami pa rin ang nakaka-relate kahit Valentine’s Day na.

Ayon sa isinagawang survey ng Social Weather Stations, 33% o tatlo sa sampung Pinoy ang nakararanas ng tinatawag na “unrequited love” o pagmamahal na hindi nasusuklian.

17% naman ang kasalukuyang walang love life.

Habang 50% naman ang na’-basted matapos aminin ang kanilang nararamdaman sa kanilang kaibigan.

Nakasaad din sa survey ng SWS na karamihan sa mga nagco-confess ng pag-ibig ay mga lalaki kaysa sa mga babae.

Samantala, 57% naman ng mga Pilipino ang “very happy” sa kanilang love life, habang 25% naman ang nagsasabing “could be better” o maaaring may ma-workout pa sa relasyon.

Isinagawa ang survey noong December 10 hanggang 14 sa 1,200 na respondents.

Mayroon itong sampling error margins na hindi na higit pa o mas mababa sa 2.8 percent.

Read more:

Takot ng mga Filipino sa COVID 19, ‘record high’ – SWS survey