PHOTO: Courtesy PICKUP COFFEE
NAGBIGAY ng “dating tips” ang TV host-actress na si Anne Curtis para sa mga first time na makikipag-date, lalo na’t malapit na ang Valentine’s Day.
Inilahad niya ang kanyang mga payo sa isinagawang media event ng local start-up na PICKUP COFFEE na kung saan ay ipinakilala siya bilang kauna-unahang endorser ng negosyo.
Ayon kay Anne, kailangan lang maging totoo sa sarili at ipaalam sa mga kaibigan kung saan at sino ang kasama sa first date.
“I would say, be yourself and safety-wise. Make sure to let your friends know where you’re going and who you’re with and yeah, just be yourself and have fun,” sey ni Anne.
Ibinahagi din ng aktres ang kanyang pananaw kung sino ang dapat magbayad sa first date.
Saad ni Anne, “I think it’s fair for people to split the bill now. It shows a bit of independence as well for women.”
Bagamat magkaiba naman daw ang sitwasyon kung ito ay boyfriend o asawa na para sa kanya ay okay lang na mismo ang lalaki ang magbayad.
Sey niya, “If it’s someone you just met, I’m okay with splitting the bill. But you know, if it’s a treat from your boyfriend or husband, that’s okay, I don’t mind.”
Ayon pa kay Anne, hindi naman kailangan ng bonggang date para ipagdiwang ang Araw ng mga Puso dahil pwede naman daw ito sa mga simpleng pamamaraan.
“It can be spent doing anything even as simple as sharing a meal as long as it’s with your loved ones,” sabi ng aktres.
Sa huli, ibinunyag ng aktres na excited na siya sa kanyang upcoming movie project ngayong taon, pati na rin sa kanyang pagsabak sa NYC Marathon sa Amerika.
Samantala, super happy ang TV host-actress nang mapili siya bilang unang endorser ng PICKUP COFFEE, isang homegrown coffee company na nagsimula noong 2022.
Sey niya, “I’m excited to be working with a dynamic startup that provides delicious and affordable coffee that makes it accessible to so many people.”
“So when I was approached I didn’t even think a lot before I said yes,” aniya.
Sa kasalukuyan, ang coffee company ay mayroon nang 50 stores sa Metro Manila at Cebu.
Related chika:
Kape ni Kim Chiu robot ang nagtimpla: Isn’t it amazing! Nakakabilib na talaga ang technology ngayon!