KASALUKUYANG namamasyal sa Japan ang aktor na si Carlo Aquino kasama ang aktres na si Charlie Dizon.
Kung maaalala, kamakailan lang ay inamin ni Carlo na nasa “dating stage” sila ng aktres.
Ibinandera mismo ni Carlo sa Instagram ang isang video ni Charlie habang naglalakad at umaawra sa siyudad ng Tokyo.
May caption pa ang aktor na tila hugot line niya para sa aktres na sinabing, “TokYou have my heart.”
Nakapatay ang comment section sa nasabing post kaya walang komento ang mga netizens, lalo na ang mga Marites.
Matatandaang inamin ni Carlo sa isang panayam na maraming katangian si Charlie na talagang nagustuhan niya.
Hindi na niya ito inisa-isa, pero dahil daw dito ay napalapit agad siya sa dalaga habang ginagawa ang project nila together na may titulong “Love on a Budget” na ipinalabas last year.
Naunang umugong ang balitang may namamagitan sa dalawa matapos mapansin ng mga netizens ang “closeness” sa larawang ibinahagi ni Charlie sa Instagram na kasama si Carlo habang nakikipag-bonding sa mga kaibigan si Charlie.
Samantala, noong nakaraang buwan ay ibinalita ng Star Magic Head na si Lauren Dyogi na nasa Japan si Carlo para sa kauna-unahang international project nito.
Wala pang detalye sa nasabing proyekto, pero kasama niya sa upcoming film ang ilang sikat at beteranong Japanese artists, tulad nina Takehiro Hira at Sho Ikushima.
Related chika: