Mahulaan n’yo kaya kung sino siya? Guess, guess na!
HOW true na may bigating kaibigang nag-sponsor sa show ng kilalang personalidad na umabot sa P10 million — yes, tama po, sampung milyong piso!?
Naitsika ito sa amin ng aming paru-parong source na walang ginawa kundi lumipad nang lumipad para makahanap ng balita.
At heto nga, saktong dumapo siya sa isang magandang bahay at nakikain sa masaganang pananghalian ay nasagap niyang pinag-uusapan ang pagbibigay ng 10 milyong piso sa kilalang personalidad bilang sponsor sa show nito.
“Ang suwerte ni ____ (kilalang personalidad) di ba? Malaking tulong na iyon sa kanya. Isipin mo isang tawag lang give agad,” bulong ng aming source.
Sobra na ang 10 milyong ibinigay ng sponsor para ipambayad sa renta ng venue, sa production, sa sounds, ilaw at iba pa kaya kung anuman ang napagbentahan ng tiket ay maliwanag na mapupunta na sa producers ng show ng kilalang personalidad.
Sabi pa pala ng aming lilipad-lipad na source ay, “Manonood ka ba? Kung manonood ka, i-check mo ‘yung pinakamurang presyo ng ticket kung napuno o baka ilipat na lang sila ng seats para magmukhang maraming tao.
“Kasi planong takpan na lang ng itim na tela ang bahagi ng venue na murang presyo ng tickets,” sabi sa amin.
Anyway, mapuno o hindi ang venue ng tickets ay nabawi na rin ng producers ang gastos nila dahil sa P10 million na ibinahagi ng sponsors mula sa bigating kaibigan.
* * *
Viral ang panglalait sa teenager na bumili ng bag sa kilalang tindahan sa Singapore na kinonsider niyang luxury item at ipinost sa Tiktok.
Hindi napigilan ng aktor na si Christian Bables na hindi mag-react sa bashers dahil sa ginawa nila sa disisyete-anyos na teenager na nakatira sa Singapore.
Tweet ni Christian, “Bakit kaya ang sama sama ng ugali ng mga bashers? Ano kayang almusal nila, tae?’ Yung mas pinipili nilang makapanakit, than to deepen and widen their understanding and acceptance.”
Halatang galit ang aktor sa tweet niyang ito dahil nag-wish pa siya sa bashers ng, “sana habambuhay kayong empty bat, walang load at data, para hindi na kayo makapanakit.”
Tanong ni @saviorloki, “@chrisbables06 XO sino yan uupakan natin???”
Sinagot naman ito ng aktor, “@saviorloki ‘Yung comment thread about Zoe and her Dad naawa lang ako sa mag ama.”
Anyway, isa si Bables sa cast ng upcoming TV series na “Dirty Linen” na handog ng Dreamscape Entertainment.
Ronnie Liang 2 beses nabiktima ng Budol-Budol; libu-libong piso natangay
Vhong ayaw nang maalala ang taong ‘dedma lang’ nang hingan niya ng tulong para sa kasong rape
SB19, Ben&Ben may sorpresa sa A’TINs at Team Liwanag; trending na naman sa socmed