Pop singer Miley Cyrus may comeback album sa Marso, Pinoy fans abangers na

Inanunsyo ‘yan mismo ng singer sa social media ilang araw matapos ibalita na siya’y muling magbabalik sa music industry matapos ang tatlong taong pahinga.

Sa isang Twitter post ay ibinandera ni Miley ang kanyang litrato habang nakalambitin.

Kalakip niyan ay ang caption ng tila pamagat ng kanyang album at release date.

Sey niya sa post, “ENDLESS SUMMER VACATION. THE ALBUM. MARCH 10.”

Tuwang-tuwa naman ang fans ng singer at narito ang ilan sa mga komento nila.

“Need this so bad! (red heart emoji)”

“I’m too excited for this!! (two hearte emoji) This will be the best gift!”

“Please and thank you (red heart emoji) I f-cking love Miley’s voice. And just in time for my birthday, too.”

Pero bago ‘yan ay una nang inanunsyo ni Miley na magre-release siya ng single na may titulong “Flowers” at mapapakinggan ‘na yan sa January 13.

Sa pamamagitan ng social media ng singer ay naglabas pa siya ng teaser, kalakip ang caption na, “NEW YEAR, NEW MILEY, NEW SINGLE. FLOWERS JANUARY 13.”

Ilan lamang sa mga hit songs ni Miley ay ang “The Climb,” “Party in the U.S.A.,” “Wrecking Ball,” “Midnight Sky,” “We Can’t Stop,” at marami pang iba.

Sumikat din siya sa pinagbidahan niyang Disney series na may titulong “Hannah Montana.”

Related chika:

Miley Cyrus maglalabas ng bagong single after 3 years, fans abangers na: ‘Finally! She’s back!’