Ulysses at Nadine Lustre
PROUD na proud na ibinandera sa buong universe ng tatay ni Nadine Lustre ang mga achievements ng anak sa showbiz industry.
Matapos magwaging best actress si Nadine sa katatapos lang na Metro Manila Film Festival 2022 Gabi ng Parangal para sa horror film na “Deleter”, ibinandera ng tatay niyang si Ulysses ang kanyang mga awards.
Sa kanyang Facebook account, ipinost ng father ni Nadine ang litrato ng mga trophy na natanggap niya mula sa Gawad Urian at FAMAS bilang Best Actress.
Bukod dito, ipinakita rin niya ang iba pang parangal at recognition na natanggap ng kanyang anak kabilang na ang ilang Box-Office Entertainment Awards at MYX Awards.
“Waiting for the new one to come home. Thank you so much, fans and supporters. Don’t stop believing,” ani Ulysses sa caption ng kanyang FB post.
“Congratulations, Ate! With real talent, hard work, and determination, you have proven that ‘Love Teams’ can be… Deleted,” dagdag pa niya.
Bukod sa best actress, nanalo rin ang “Deleter” ng Best Picture, Best Director para kay Mikhail Red, Best Cinematography para kay Ian Guevarra, Best Sound, Best Visual Effects, at Best Editing.
Sey ni Nadine, hindi talaga niya in-expect na siya ang mananalong best actress dahil magagaling din ang nakalaban niya kabilang na sina Toni Gonzaga (My Teacher) at Heaven Peralejo (Nanahimik Ang Gabi).
“Sobrang unreal. Like what I said earlier, hindi talaga namin in-expect na makakasama sa MMFF yung ‘Deleter.’ Sobrang unreal, parang nananaginip pa rin ako,” sabi ng aktres.
Aniya, bonus na lang daw ang mga natanggap na awards ng kanilang MMFF entry dahil ang mahalaha ay tinatangkilik ngayon ng mga Pinoy ang ginawa nilang pelikula na balitang pumapangalawa sa ranking ng walong kalahok ngayong taon.
“I am really really happy kasi para sa amin, para sa Team Deleter, enough reward na yung gustuhin siya ng mga Pilipino na panoorin, na mag-enjoy silang lahat na panoorin.
“Isang malaking malaking bonus para sa Team Deleter yung manalo ng awards. I am really really happy,” aniya pa.
Nadine sa MMFF 2022 best actress award: Happy ako na napasigaw namin kayo this Christmas!