DAPAT bang ituring bilang “investments” ang mga anak?
‘Yan ang isa sa mga naging topic sa isinagawang media conference kamakailan lang ng Metro Manila Film Festival entry na “Family Matters.”
Sabi ng aktres na si Mylene Dizon, responsibilidad talaga ng mga anak na alagaan ang mga magulang dahil mahal nila ito.
Ngunit ibang usapan na raw kung binibilang na ng magulang ang utang na loob ng mga anak sa kanila.
“We have an obligation to take care of our parents because they’re our parents. It’s something we do out of love or want. But when we treat children as investment for our future, then that’s wrong—super wrong. That’s not their responsibility,” sey ni Mylene.
“Hindi ako maniningil. I won’t’ say, ‘Hey, I raised you—these are all the things that you have to pay back,’” dagdag pa ng aktres na may dalawang anak sa asawang si Jason Webb.
“They can either take care of me, or pay it forward by taking care of their own families or other people,” aniya.
Para naman sa aktres na si Agot Isidro, sinabi niyang wala siyang anak pero malapit na malapit siya sa kanyang pamilya.
“I don’t have kids, so I have to be independent… But I’m big on taking care of my family—my siblings, nephews and nieces—now that our parents are no longer with us. But I do that without expecting anything in return. I don’t think that way,” sabi niya.
Tampok sa pelikulang “Family Matters” sina Noel Trinidad, Liza Lorena, Agot Isidro, Nikki Valdez, Nonie Buencamino at JC Santos.
Mapapanood sa pelikula ang pagkakaroon ng buhay-pamilya na kung saan ay iikot ito sa mag-asawang senior citizen at sa apat nilang anak.
Sa katatapos lang na “Gabi ng Parangal” ng MMFF ay naiuwi ng pelikula ang “GatPuno Antonio J. Villegas Cultural Award.”