Kristine Hermosa-Sotto at Kathleen Hermosa
IKAKASAL na ang aktres na si Kathleen Hermosa sa Cebu based biker-businessman na si Carl Miko Santos.
Ang caption ni Miko sa video post nitong ipinakita ang singsing na suot ni Kathleen, “Officially off the market! Miko Santos Signing off!
#GAMEover.”
Base sa ipinost ni Miko sa kanyang Instagram at Facebook account ay engaged na sila ni Kathleen na hiningi na rin nito ang permiso sa kapatid nitong si Kristine Hermosa.
Ayon sa nalaman namin ay mas bata ng ilang taon si Miko kay Kathleen (41) at wala naman silang problema dahil nagkakasundo naman sila sa lahat ng bagay.
May isang anak na lalaki ang fiancé ng aktres base rin ito sa mga post ng guy.
Tsika pa ng aming source ay sa Cebu ikakasal sina Kathleen at Miko at doon na rin maninirahan ang aktres para bumuo ng pamilya dahil gusto na rin nitong magkaanak kaagad.
Sa kasalukuyan ay walang binanggit sa amin ang aming source kung kailan ang kasal pero duda namin ay sa 2023 na dahil nalaman naming pauwi rito ang kanyang Mommy Mai Hermosa-Orille at kapatid na si Maxene mula Canada.
Hindi lang kami sure kung makakauwi ang kapatid nitong bunso na si Joshua dahil kasalukuyan itong nag-aaral sa Spain.
Samantala, binati naman si Kath ng mga kaibigan niya sa showbiz tulad ni Melissa Ricks, “OMGGG congrats kath!!!”
Gayun din si Ara Mina, “OMG!!!!!!! Kaaaaaaaaath ano sinabi ko sayo? Congratulations! (heart emoji)”
Bumati rin si Allora Sasam, “Awwww congratulations ate.”
Marami rin kaming nabasang mga kaibigan nina Kathleen at Miko na bumati sa kanila.
Kim pumayag nga bang itambal si Jerald kay Candy; excited sa muling pagbubukas ng sinehan
Pinay beauty queen Kathleen Paton reynang-reyna sa tourism video ng Miss Eco International 2022