Daniel Padilla at Bela Padilla
GAME na game ang actress-director at screenwriter na si Bela Padilla sa paggawa ng isang bonggang pelikula kasama ang pinsan niyang si Daniel Padilla.
Ayon sa dalaga, may naiisip na siyang tema at konsepto sakaling magkasama nga sila ng Kapamilya actor at singer sa isang proyekto in the future.
Sa pa-Q&A session ni Bela sa kanyang Twitter account, sinagot niya ang ilang exciting at nakakaintrigang tanong mula sa kanyang followers.
At isa nga rito ang question ng isang netizen kung okay ba sa kanya ang makasama sa pelikula si Daniel at kung ano ang naiisip niyang genre na babagay sa kanilang magpinsan.
“I’d love to (makatrabaho si DJ). He’s an amazing actor,” pahayag ni Bela.
“And I’d love to do a heist film or psycho thriller with DJ to show his (acting) range,” sey pa ng aktres.
Huling napanood si Bela sa Viva Films movie na “366,” bilang lead star. Siya rin ang nagdirek nito at sumulat ng script.
Si Daniel naman ay bumida sa hit ABS-CBN series na “2 Good 2 Be True” kasama ang kanyang girlfriend na si Kathryn Bernardo at ang premyadong veteran actor na si Ronaldo Valdez.
* * *
Napuno ng kilig ang Christmas season ng mga Kapuso matapos mapanood ang pasilip sa bagong primetime series na “Luv Is: Caught In His Arms.”
Ni-release na ng GMA Network ang official teaser ng serye na pagbibidahan ng Sparkle sweethearts na sina Sofia Pablo at Allen Ansay o mas kilala bilang Team Jolly.
Kitang-kita sa teaser ang husay sa pag-arte ng young stars. Gaganap si Sofia bilang Florence, isang masayahing dalaga na puno ng mga pangarap. Habang masungit at mysterious naman ang character ni Allen bilang Nero.
Talagang much-awaited ang first collaboration project na ito ng Kapuso Network at Wattpad Webtoon Studios.
Saad ng ilang fans sa Facebook, “Teaser pa lang ito pero grabe nakaka-excite na! Nakakabitin! Sana ilabas na rin ang trailer. Worth it ang paghihintay kasi napakaganda talaga!”
Abangan ang “Luv Is: Caught In His Arms” this January 2023. But for the meantime, panoorin muna ang kanilang teaser sa lahat ng social media accounts ng GMA Network at GMA Drama.
Bela Padilla tumanggi sa offer na magkaroon ng show, bakit kaya?
Bela Padilla, Norman Bay masayang nag-celebrate ng 2nd anniversary: You make my days brighter!