INANUNSYO ng Philippine National Police (PNP) na magpapakalat sila ng mas maraming pulis ngayong Christmas season.
Sa isang radio interview noong Biyernes, December 4, sinabi ni PNP spokesperson Col. Jean Fajardo na ang kanilang pagde-deploy ay makakatulong upang maiwasan ang paglaganap ng mas maraming krimen.
Alam naman natin mga ka-bandera na tuwing sasapit ang kapaskuhan ay dumadami talaga ang mga mandurukot at magnanakaw, lalo na sa mga mall na kung saan ay abala ang marami sa kanilang Christmas shopping rush.
Kinumpirma pa ni Fajardo na ang bilang ng mga krimen sa ganitong panahon ay tumataas.
Sinabi pa nga niya na nakikita ng PNP na magiging triple ang bilang ng mga krimen kumpara noong nakaraang Christmas season dahil mas relax na ngayon ang pandemic policies na kung saan ay mas marami na ang pwedeng lumabas-labas.
Sey niya sa interview, “6,000 tourist-trained police forces are deployed this early so that our countrymen will feel more secure and they will be able to enjoy this holiday season.”
Naglabas na rin daw ng kautusan si PNP chief Gen. Rodolfo Azurin Jr. na kanselado ang lahat ng Christmas leave ng mga pulis mula December 15 hanggang January 10 ng susunod na taon.
‘Yan ay bilang parte raw ng kanilang heightened security alert.
Bukod pa sa anim na libong pulisya, magde-deploy din ng 14,000 na police officers sa Metro Manila upang masiguro na magiging tahimik at payapa ang Christmas season ngayong taon.
Read more:
Driver ng SUV na sangkot sa kasong hit-and-run at nakasagasa ng sekyu sumuko na sa PNP
Kit Thompson kinasuhan ng PNP dahil sa diumano’y pananakit kay Ana Jalandoni