P-Pop group 1st.One umariba sa ‘Hot Trending Songs’ chart: A dream turned to reality…

PHOTO: Tweeter/@1stoneOfficial

MAY malaking achievement ang Pinoy pop group na 1st.One!

Ang kanilang kantang “Shout Out” kasi ang nangunguna ngayon sa “Hot Trending Songs” chart ng American music and entertainment magazine na Billboard.

Ang masayang balita ay ibinandera mismo ng grupo sa kanilang social media.

Lubos din silang nagpapasalamat sa lahat ng sumusuporta sa kanila.

Sey sa tweet, “From the bottom of our hearts thank you everyone (red heart emoji)”

Sa hiwalay na tweet, sinabi ng 1st.One na isang dream come true ang kanilang latest milestone.

Tweet ng grupo, “A dream turned to reality.”

“Thank you to each and everyone of you for helping us achieve and retain this, “ aniya.

Ang “Shout Out” ay ang debut song ng P-Pop group dalawang taon matapos mabuo ang grupong 1st.One.

Ini-release ito nitong Enero na tungkol sa self-empowerment.

As of this writing, umaani na ng halos dalawang milyong views ang music video ng “Shout Out.”

Maraming Pinoy netizens naman ang tuwang-tuwa at narito ang ilan sa mga nabasa naming komento.

“Masaya ako kasi bukod sa Mahalima namin may isa pang Ppop group ang nag  #1 sa billboard.”

“Deserve laban PPOP (Philippine flag emoji)”

“Congratulations! Hoping you can sustain the momentum”

Ang 1st.One ay nabuo noong 2020 matapos ang ilang taong training.

Ang mga miyembro ay sina Ace, Max, Alpha, J, Joker, at Jayson.

Ang nasabing grupo ang ikalawang P-Pop act na nakapasok sa Billboard Hot Trending Songs chart matapos ang P-Pop supergroup na SB19 dahil sa mga kantang “Bazinga” at “WYAT.”