Janno Gibbs at Small Laude
IBINANDERA ng veteran singer-comedian at singer na si Janno Gibbs ang naganap na intimate wedding ng kanyang anak na si Alyssa “Chi” Gibbs.
Sa kanyang Instagram account, ipinost ng OPM icon ang litrato nila ni Anton Cruz, ang napangasawa nga ng panganay nila ni Bing Loyzaga.
Aniya sa caption, “It’s Official. I have a Son in law!” Wala naman kaming nakitang litrato sa IG page ni Janno na magkasama sila ni Alyssa sa wedding.
May ibinahagi naman siyang video clip na kuha sa reception ng kasal at makikita nga rito na kaunti lamang ang inimbita nina Alyssa at Anton sa kanilang very special day.
Base sa mga sagot ni Janno sa comments section ng kanyang IG post, naganap ang wedding ng anak sa The Palm House, Royal Botanical Gardens sa Sydney, Australia.
Matatandaang napurnada ang pagpapakasal nina Alyssa at Anton dahil sa COVID-19 pandemic noong 2020. Nai-announce pa nila noon na magiging ninong at ninang nila sina Ogie Alcasid at Regine Velasquez.
Samantala, siguradong looking forward na rin ngayon sina Janno at Bing sa kanilang magiging apo kina Alyssa at Anton.
* * *
Napanood na last week sa “Mano Po Legacy: The Flower Sisters” ang sikat na vlogger at entrepreneur na si Small Laude bilang famous friend ni Violet na ginagampanan ni Beauty Gonzalez.
Inabangan ng Kapuso viewers ang special appearance ni Small Laude at marami ang na-excite at natuwa sa kanyang role.
Comment ng isang follower ni Small, “Yes! yes! yes! Of course! No bashing, It’s for fun!” na palaging sinasabi ng social media personality sa kanyang vlogs.
“Love your acting Ms. Small Laude, very natural!” dagdag ng isa pang fan.
Ano kaya ang magiging papel niya sa Crestmont? Kakaibiganin kaya siya ni Lily (Aiko Melendez)?
“Tutukan ‘yan sa “Mano Po Legacy: The Flower Sisters”, Lunes hanggang Huwebes, 9:35 p.m. sa GMA Telebabad.
Alex Gonzaga na-swindle ng P80M, nangutang ng P3M kay Small Laude
Pooh, Anton Diva 20 years nang mag-BFF; gamit na gamit sina Ogie at Regine
Kara David ibinandera ang pagtatapos ng anak bilang magna cum laude