PHOTO: Instagram/@aalixjr
HINDI pa rin matitibag pagdating sa pag-arte ang batikang aktres na si Nora Aunor.
Dahil kahit ilang dekada na siya sa showbiz industry ay patuloy pa rin siyang kinikilala kahit sa ibang bansa.
Gaya nalang ng kanyang recent movie project na nagwagi bilang “Best Asian Feature” sa Hanoi International Film Festival na naganap kamakailan lang sa Vietnam.
Si Nora ang bumida sa pelikulang “Kontrabida” na inilaban sa nasabing film fest.
Ang magandang balita ay inanunsyo mismo ng direktor ng pelikula na si Adolfo Alix Jr. sa Instagram.
Ibinandera niya ang certificate ng nakuhang award, pati na rin ang ilang litrato sa awards night.
Ikinuwento pa ni Direk Adolfo na ginawa nila ang award-winning film sa kasagsagan ng pandemya.
Caption niya sa IG post, “Unexpected blessings give you more inspiration to go on and tell unfamiliar stories.
“KONTRABIDA (The Villain) got the NETPAC Award for Best Asian Feature in the recently concluded Hanoi International Film Festival.”
Patuloy pa niya, “We shot this film during the height of the pandemic so I’m happy for the whole team. Our efforts paid off.”
Lubos ding nagpasalamat ang direktor sa lahat ng mga bumubuo sa pelikula, pati na rin ang mga naniniwala sa tagumpay ng kanyang proyekto.
“Grateful to our producers Joed Serrano and Celinda de Guia for believing in the project when during that time it’s a risk to do projects like this. And to the lynchpin of film, Ate Guy and the wonderful ensemble of actors!,” lahad niya.
Ang “Kontrabida” ay tungkol kay Anita Rosales na ayon kay Direk Adolfo, “he woman behind the facade of the strong characters she portrayed on screen as she struggle with her personal life.”
Ang karakter ni Anita ay ginampanan ni Nora.
Related chika:
Nora Aunor nagpunta sa tribute para sa mga National Artists kahit may sakit
Nora Aunor itinanghal bilang isa sa mga national artists
Vilma inaming nagkaroon sila ng tampuhan ni Nora Aunor