Heart Evangelista
NAPAPAGOD at nai-stress din ang Kapuso actress na si Heart Evangelista sa pag-attend at pagrampa niya sa mga international fashion events.
Inamin ng fashion icon na hindi rin madali ang pinaggagagawa niya sa mga pinupuntahang fashion week lalo na sa Europe dahil talagang kinakarir nga niya ito magkaroon ng malakas na impact.
Sa isa niyang YouTube vlog, mapapanood ang pagbabahagi ng aktres tungkol sa mga naging kaganapan sa pagpunta niya sa Milan Fashion Week noong November 9.
Ipinakita nga ng Kapuso star kung gaano kahirap at katindi ang ginagawa niyang preparasyon kapag naiimbita siya sa isang fashion event.
Aniya, dalawa hanggang tatlp lamang ang kasama niya lagi kapag umaalis ng bansa para magtrabaho at magpaka-fashionista — yan ay ang kanyang mga stylist at videographer.
Sa nasabing vlog, sinabi ni Heart kung gaano katindi ang “stress” na naranasan niya sa pagpunta sa Milan Fashion Week na sunod-sunod ang fashion shows.
Sabi ni Heart, kung minsan ay nakakaranas din siya ng sobrang stress at “pagod na pagod.”
Pahayag pa ng aktres, “We go to fashion week because it’s our work.
“Aside from the fact that it’s very fun, aside from the fact that I started fashion week because I was trying to be creative with my time,” dagdag pa niya.
Sabi pa ni Heart, bukod sa pagdadamit, pag-aayos, pagpili ng mga bongganh OOTD ay sume-segue pa sila sa mga shoots, pictorial at interview.
Daniel nai-stress sa pagsabak ng mga magulang sa politika, payag bang mangampanya?
Ai Ai naglagas ang buhok dahil sa stress; sa US planong magpabakuna kontra COVID-19