Jake Cuenca, Sean de Guzman at Joel Lamangan
NGAYON pa lang ay pinag-uusapan na nang bonggang-bongga ang isa sa mga official entry ng Metro Manila Film Festival 2022, ang “My Father, Myself”.
Pinagbibidahan ito nina Sean de Guzman, Jake Cuenca at Dimples Romana sa direksyon ni Joel Lamangan at mula sa panulat ni Quinn Carillo.
Trailer pa lang kasi ng pelikula ay kontrobersyal na kung saan ipinakitang nagkainlaban ang isang beki (Jake) at ang kanyang ampon na si Matthew (Sean), na anak naman ng kanyang dating lover na si Domeng (Alan Paule).
Ang isyung ibinabato sa produksyon ng “My Father, Myself” na mula sa 3:16 Media Network, ay baka raw makasira o mabigyan ng masamang image ang mga bading na nag-aampon.
Nakausap ng ilang miyembro ng entertainment media ang direktor ng nasabing pelikula na si Joel Lamangan nitong nagdaang Lunes, November 7, at tinanong nga kung ano ang reaksyon niya tungkol dito.
Naganap ito sa nakaraang story conference at presscon ng isa pa niyang pelikula, ang “Sa Kanto ng Langit at Lupa” na mula rin sa 3:16 Media Network.
Paliwanag ni Direk Joel, “Kapag ang trailer ay inilagay sa social media, ibig sabihin niyan, it’s open to be criticized. It’s open to be praised or criticized. I don’t mind if they criticize it. My point is, it is not against gay.
“Yun lang naman ang point nu’n. It is against the gays daw. No, it is not. I am a storyteller. I am a filmmaker. My life journey is to look for different stories and representations for the public to understand, and for the public to learn something from.
“Hindi naman palaging magagandang gay story lang ang ipapakita mo. That is not realistic. That’s romanticism.
“Hindi tama iyon. Meron ka rin dapat ipapakita na hindi magandang istorya ng isang gay. Ipakita mo upang kapulutan ng aral para hindi na siya muling gawin.
“Hindi naman lahat ng gay, mabuting tao. Mali yun. May gay na magnanakaw, may gay na kriminal, may gay na nanggagahasa. Kagaya ng isang ordinaryong tao, ng lalaki at babae,” lahad ng award-winning director.
Dagdag pa niya, “Iyon ang trabaho ko. Ginawa ko yung My Father, Myself because it is based from my own personal knowledge of a real story that happened in my province.
“And I thought that it’s a very good story material to be filmed for people to learn from the mistakes of these characters in the movie.
“As a matter of fact, may nangyari doon sa gumawa ng ganoon which I will not say because that will reveal already the entire story, di ba?
“Ako, I never comment on anything as far as what the other directors are doing because for me, it is unethical. Because I am a practitioner myself.
“But that person was my assistant director before. I love him! I like him. He’s good. He’s one of my good assistant directors before and now, he has his own career.
“He specializes in LGBT-themed films and I like him for that. I do not look down on him for that. As I have said, once you put something in social media, people will criticize it, people will praise it. Ganu’n talaga ang buhay,” sabi ni Direk Joel.
Ang MMFF 2022 entry na “My Father, Myself” ay mula sa 3:16 Media Network at Mentorque Productions nina Len Carrillo, Win Salgado, Nikko Abad, Jomer Corpuz at John Bryan Diamante.
Joel Lamangan nagpakatotoo: Maraming direktor na bago pa lang ay mayayabang na…huwag ganyan
Darryl Yap kay Joel Lamangan: Sino ba ako kumpara sa kanya?
Joel Lamangan balak gumawa ng pelikula kontra ‘Maid in Malacañang’: Hindi totoo ang lahat ng ito