Barbie Forteza shookt nang makaeksena si Tirso Cruz III; ‘Maria Clara At Ibarra’ ng GMA 7 trending agad
Tirso Cruz III at Barbie Forteza
BUKOD kina Kapuso Drama King Dennis Trillo at Asia’s Limitless Star Julie Anne San Jose, dream come true rin para kay Barbie Forteza ang makatrabaho si Tirso Cruz III.
Ayon sa Kapuso Primetime Princess, isang malaking achievement na para sa kanya ang makaeksena ang award-winning veteran actor na si Tirso sa historical portal fantasy series ng GMA 7 na “Maria Clara at Ibarra.”
Napakarami raw talaga niyang natutunan habang ginagawa ang bago nilang serye, lalo na kapag kaeksena niya sina Dennis, Julie Anne at si Pip.
View this post on Instagram
“Paborito ko ‘yung eksana with Mr. Tirso Cruz III. It was our first scene together. Although hindi pa talaga ‘yung magkaeksena na magka- dialogue, pero first encounter namin. Very heavy, very sad ‘yung eksenang ‘yun,” chika ni Barbie sa panayam ng GMA Network.
Grabe raw yung epekto sa kanya ng nasabing eksenang, “Noong bina-block kasi namin siya, very casual tapos na-surprise ako na noong nag-take na kami, sobra akong naapektuhan. Naapektuhan ako doon sa eksenang ‘yun, surprisingly.”
Ginagampanan ni Barbie sa “Maria Clara at Ibarra” bilang Klay, isang Gen Z nursing student na mapapadpad sa mga nobela ni Jose Rizal na “Noli Me Tangere” at “El Filibuesterismo” habang si Tirso naman ang gaganap bilang ang mapang-aping prayle na si Padre Damaso.
“‘Yun ‘yung isa sa mga gusto ko talaga, yung hindi ko inaasahan na maapektuhan ako. May mga eksena kasi na mabigat, kailangan mong mag- actor’s cue.
“May mga eksena naman na mabibigla ka na maapektuhan ka, not just doon sa eksena pero sa ka-eksena mo, ‘yung flow noong eksena. Isa ‘yun sa mga hindi ko makakalimutan,” sabi pa ni Barbie.
Samantala, trending naman ang pilot episode ng “Maria Clara at Ibarra” last Monday at halos lahat ng nabasa naming comments ay puro papuri kay Barbie.
“GMA really has good drama concepts. And Maria Clara at Ibarra is one of it. It’s my first time watching an EP from a Pinoy drama w/o using my phone haha kinaya ng attention span ko. I hope they maintain the good storytelling though. Plus ang galing at natural umakting ni Barbie Forteza!”
“First episode pa lang but it tackles a wide range of issues like domestic abuse, childhood trauma, poverty and the mundane experiences of every student. Kudos to Barbie Forteza, she is really a versatile (yet) underrated actress. This is promising! #MCIAngSimula.”
“I think mananalo ng award sina Barbie Forteza, Julie Anne San Jose, at Andrea Torres for this show #MCIAngSimula.”
“Yes gurl, Barbie Forteza, go get that recognition from casuals, ilang araw ka nang pinag-uusapan dito sa Twitter. The deservability! The relevancy! And the talent!”
Yan ang ilan lamang sa mga comments ng netizens at asahan pa ang pag-ariba ng serye sa mga susunod na araw.
Napapanood ang “Maria Clara at Ibarra” mula Lunes hanggang Biyernes, 8 p.m. sa GMA Telebabad.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.