Kathryn, Daniel sa solid KathNiel fans ng 11 years: Congrats sa nag-graduate, sa mga ikinasal, sa nagkaanak, sa naging mommies!
Daniel Padilla at Kathryn Bernardo
SUPER saya ng celebration ng KathNiel fans sa 11th anniversary ng tambalan nina Kathryn Bernardo at Daniel Padilla.
Na-sight namin sa video ang buong suporta ng KathNiel fans na ginanap sa isang sosyal na lugar.
Bumuhos ang suporta ng mga supporters ng magka-loveteam at magkarelasyon lalo pa’t naroon sina Daniel at Kathryn na talagang ginawa ang lahat para maging special ang celebration.
“Eleven years. Mabilis ang panahon. Totoo, ‘di ba, ang daming nangyayari. Marami sa inyo ang grumadweyt na sa eskuwela. May mga nagtatrabaho na rin.
“Genuinely, gusto naming magpasalamat sa inyo because you guys gave us inspiration,” say ni Daniel.
“Kagaya ng sinabi ni DJ, ang daming nangyari sa buhay ninyo na kailangang i-celebrate natin. So, congratulations sa mga grumadwyet, sa mga ikinasal, sa mga nagkaanak, sa mga nagkatrabaho, sa mga mommies dito na naging bantay namin sa lahat ng bagay.
“Hindi enough ang pasasalamat. Wala, no words can explain how thankful we are sa grabe ninyong pagmamahal,” say ni Kath.
“Ang daming nagmamahal pero iba kayong magmahal. Iba talaga kaya maraming salamat,” dagdag pa niya.
View this post on Instagram
Samantala, sa serye nilang “2 Good 2 Be True” ay panibagong mga pagsubok ang kakaharapin ng bagong magkasintahan na sina Eloy (Daniel Padilla) at Ali (Kathryn Bernardo) para protektahan si Lolo Hugo (Ronaldo Valdez) sa mga pinaplano ni Helena (Gloria Diaz) sa bagong yugto ng “2 Good 2 Be True.”
Kasabay ng pagtanggap ni Eloy bilang chairman ng Horizon Grand, nalaman din nila na posibleng si Helena ang mastermind sa paninira sa buhay ni Lolo Sir.
Alamin kung paano nila mahahanapan ng butas si Helena at mapagbayaran ang kanyang mga kasalanan.
Patuloy na i-stream ang “2 Good 2 Be True” ng advance sa Netflix Philippines o iWantTFC. Maaari rin itong subaybayan sa A2Z, Kapamilya Channel at TV5.
https://bandera.inquirer.net/312772/kathryn-daniel-ibinandera-ang-isang-dekadang-relasyon-aamin-na-ba-kung-anong-sikreto
https://bandera.inquirer.net/291188/mariel-robin-masayang-nag-celebrate-ng-11th-anniversary-kahit-ecq
https://bandera.inquirer.net/302870/kristine-kay-oyo-gwapo-ka-sa-lahat-ang-sarap-mong-kasama-sa-buhay-i-love-you-so-much
https://bandera.inquirer.net/280344/marupok-ni-kz-waging-best-song-sa-himig-11th-edition-abs-cbn-kumu-nagsanib-pwersa-na
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.