TINALAKAN ni Unkabogable Star na si Vice Ganda ang mga pages na gumagamit ng kanyang pictures at larawan sa mga ginagawa nitong content.
Nitong Miyerkules, Setyembre 21, ibinahagi ng “It’s Showtime” host ang kanyang pagkaimbyerna sa mga “clickbait” content.
“Grabe no! Gamit na gamit ang pangalan ko at mga pictures ko sa mga clickbait na articles and contents,” saad ni Vice Ganda.
Dagdag pa niya, “Minsan naniniwala na talaga akong kabayo ako. Andaming gustong sumakay e.”
Umani naman ng samu’t saring komento mula sa mga netizens ang naturang tweet ni Vice Ganda. Ang iba ay talaga namang agree sa sentiment ng komedyante habang ang iba ay tila pinagagalitan pa ito.
“Becuse you’re one of the most relevant influencer. Pag sinakyan ka, marami ring sasakay na iba. Mas pinag-usapan pa yung IdolPH2 nung nag-guest ka. Lahat ng sasabihin mo, malaki epekto sa mga tao,” saad ng isang netizen.
Comment naman ng isa, “Walang magawa sa buhay yan meme god bless po sayo mas marami kaming napapasaya at naaalis amg lungkot dahil sayo. salamat sa pagpapasaya sa lahat ng tao na malungkot at may pinagdadaanan sa buhay.”
Grabe no! Gamit na gamit ang pangalan ko at mga pictures ko sa mga click bait na articles and contents. Minsan naniniwala na talaga akong kabayo ako. Andaming gustong sumakay e.
— jose marie viceral (@vicegandako) September 21, 2022
Hirit naman ng isa, “Masyado kadin kase magsalita meme. Dapat walang sama ng loob pag may lipatan ganun din naman gma wala naman kayong nadinig sa isa kanila nung lumipat ang ilan jan.”
Matatandaang nag-trending si Vice Ganda matapos ang pagbibigay payo nito sa susunod na mananalo sa “Idol Philippines” season 2 na sana ay mag-stay muna ng matagal sa network.
Samantala, hindi naman ito ang unang pagkakataon na umalma si Vice Ganda patungkol sa paggamit ng mga pages sa social media sa kanyang pangalan at larawan para magkaroon ito ng mga clicks at engagements.
Kamakailan lang nang magsalita ito patungkol sa kumalat na balitang may hindi raw sila pagkakaintindihan ng Kapuso Primetime Queen na si Marian Rivera noon at tuluyan na raw silang nagkaayos nang dumalo sila sa isang event.
Agad namang tinawag ni Vice ang pansin ng nagsabi ng maling balita upang itama ang kanilang news report na agad namang naresolba.
“Baka mamaya fake iyang mga sinasabi natin. Kailangan, agad-agad, naitatama kung sakaling mali,” sey niya.
Related Chika:
Hugot ni Vice Ganda sa grand finals ng ‘Idol PH’ patutsada ba kay Zephanie Dimaranan?
Vice Ganda pinatulog ang mga ‘Marites’: ‘Wag ka nang magpuyat para fumresh ka!
News5 nag-sorry sa maling balita ukol sa ‘iringan’ nina Vice Ganda at Marian Rivera
Vice Ganda pumalag sa chikang nagka-issue sila ni Marian Rivera: Super yuck!