Payo ni Goma kay Juliana: Kung pipili ka ng boyfriend, huwag kang pumili na katulad ni Richard Gomez
Richard Gomez at Juliana Gomez
MULA noon hanggang ngayon ay hindi nakikialam ang actor-politician na si Richard Gomez sa lovelife ng kanyang anak na si Juliana Gomez.
Ngunit ayon kay Goma, ang palaging advice niya sa nag-iisang anak nila ni Lucy Torres ay huwag daw magbo-boyfriend ng lalaking katulad niya.
“Kung pipili ka ng boyfriend, huwag kang pumili ng boyfriend na katulad ni Richard Gomez.
“Kasi nu’ng bata ‘yun, babaero ‘yun, eh. Malapit yan sa babae. Ma-chicks ‘yun,” ang pahayag ng kongresista sa panayan ng talent manager at vlogger na si Ogie Diaz na mapapanood sa YouTube.
Pero kasunod nito, pinaalalahanan din ng aktor na kung pipili naman ng mapapangasawa si Juliana, kailangang katulad niya.
View this post on Instagram
“Kung mag-aasawa ka na, pumili ka ng lalaki na katulad naman ni Richard Gomez. Iba na siya. Matino na. Mas mabait na,” hirit ni Goma kay Juliana.
Isa pa sa palaging ipinaaalala ng mister ni Lucy sa anak ay maghinay-hinay lang pagdating sa pakikipagrelasyon at huwag munang tumodo at magseryoso. Basta mag-enjoy lang daw muna ang dalaga sa kanyang buhay.
Hindi rin daw siya yung tipo ng tatay na todo ang pagkilatis sa mga manliligaw ni Juliana. Hindi rin daw niya tinatakot o pinagbabantaan ang mga guys na pumoporma sa anak.
“Lahat ng umaakyat ng ligaw kay Juliana, kinakausap ko naman. Inaalam ko lang basic pero hindi ko sinasabi na, ‘O wag kang magloloko-loko rito’. Hindi ako ganu’n,” paliwanag ni Goma.
Sa ngayon ay tinatapos na ni Juliana ang pag-aaral sa college and she’s taking up Public Administration at the University of the Philippines sa Diliman.
Tuloy din ang kanyang sports activitie, kabilang na riyan ang pagiging member ng fencing team ng kanilang university.
https://bandera.inquirer.net/283446/lucy-kay-goma-alam-mo-kaming-mga-asawa-nakakaamoy-ng-mga-aswang
https://bandera.inquirer.net/291250/lucy-torres-maraming-natutunan-nang-magka-covid-si-goma-para-akong-nanay-niya
https://bandera.inquirer.net/312662/vice-ayaw-nang-patulan-ang-pagngawa-ni-juliana-parizcova-kasi-hindi-naman-siya-yung-bina-blind-item
https://bandera.inquirer.net/286239/1-lang-ang-mananalo-sa-2021-misters-of-filipinas-pageant
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.