Mikael ibinuking ang dramahan, iyakan, pikunan sa ‘Running Man PH’: Kasi tayong mga Pinoy gusto natin yung mga ganu’n!
Kokoy de Santos, Angel Guardian, Mikael Daez, Glaiza de Castro, Ruru Madrid, Lexi Gonzales at Buboy Villar
“THIS is going to be a once-in-a-lifetime experience!” Yan ang ipinagdiinan ni Mikael Daez patungkol sa pinag-uusapan ngayong “Running Man Philippines.”
Ito ang Pinoy version ng international franchise at sikat na reality show mula sa South Korea kung saan isa nga si Mikael sa mga celebrity runners kasama sina Glaiza de Castro, Buboy Villar, Angel Guardian, Lexi Gonzales, Kokoy de Santos at Ruru Madrid.
Ito ay collaboration ng GMA 7 at SBS Korea na napapanood tuwing Sabado, 7:15 p.m., at Linggo, 7:50 p.m..
Ayon kay Mikael, ibang-iba ang feeling nila nang maging bahagi ng action-packed reality-comedy game show, “Sa first week nga namin, parang, nag-agree kaming lahat na, yes, this is going to be a once-in-a-lifetime experience.
“Around seven, eight weeks later, andito na kami, in the mediacon with all of you, guys.
“So, I guess, para maramdaman nyo rin kung ano yung na-experience namin in a nutshell. Runners, nami-miss niyo ba yung experience natin sa Korea?” aniya pa.
View this post on Instagram
Sabay-sabay namang nagsigawan sina Glaiza, Kokoy, Buboy, Angel, Lexi at Ruru, “Yes! Oo naman!”
Sey pa ni Glaiza, “Gusto ko na ngang magpunta ulit du’n, bukas!”
Hirit naman ni Mikael, “Du’n sa mga sagot pa lang nila, sana maintriga na kayo nang konti because it ‘s impossible for us to explain all the stories and all the experiences na napagdaanan namin individually and together.
“But we hope through Running Man, through the episodes every weekend, maramdaman niyo, masaksihan niyo, at matuwa din kayo sa na-experience namin. So we’re all very-very excited for that,” aniya pa sa mediacon ng “Running Man Philippines” kamakailan.
Sa tanong kung ano ang hindi malilimutang experience ni Mikael habang nagsu-shooting sila sa South Korea? “I guess one of the most prominent memories na tumatak talaga sa akin nung nagta-travel kami.
“And I think relatable ito sa mga nanood ng Running Man OG, yung Korean version, yung bus na ginagamit nila for the first few seasons, iyon yung bus na ginamit namin.
“And du’n sa bus na yun, siyempre, in between locations, before and after tapings, dun kami nag-uusap, yung mga tsikahan.
“Du’n namin nararamdaman lahat ng after-effects ng mga mission na ginawa namin.
“So I think yung mga moments namin du’n sa bus sobrang memorable yun, at madami rin kaming pictures na lalabas na pag umere ang Running Man,” dagdag pa ni Mikael.
Isa pang tanong kay Mikael kung may umiyak, napikon at nagalit sa mga challenge at mission na ipinagawa sa kanila, “Yes to everything! And I think iyon dapat yung abangan ninyo kasi hindi lang siyempre katuwaan.
“When you watch Running Man OG, yung Korean version, makikita mo na, yes nakakatuwa siya, nakakatuwa na nasasaktan sila, nagkakamali sila, may nananalo.
“The same with us, may nagkakamali, may nasasaktan, may nananalo, may nagtatampuhan. Pero I think iyon yung nagbibigay-kulay, I think naiintindihan naming lahat na iyon rin yung magic ng Running Man.
“Na you have seven artists here who you see usually in a very different medium, di ba teleserye, di ba yung iba naghu-host, nagko-comedy, yung iba singer, dancer.
“So biglang nilagay kami dito sa isang environment na sobrang ibang-iba sa nakasanayan namin. So ang daming lalabas na emosyon, pero sa totoo lang, yung emosyon na yun ang inaasahan naming sasakyan ng audience.
“Kasi tayong mga Pinoy gusto natin yung mga ganu’n, e. Parang we enjoy yung mga katuwaan, yung mga comedy, pero nag-i-invest rin tayo sa mga dramahan, e, di ba?” kuwento ng mister ni Megan Young.
https://bandera.inquirer.net/306183/mikael-sa-asawang-beauty-queen-im-not-in-love-with-miss-world-im-in-love-with-megan-young
https://bandera.inquirer.net/306052/mikael-megan-inilabas-ang-naipong-energy-makalipas-ang-2-taon-were-super-duper-excited
https://bandera.inquirer.net/316617/megan-naiyak-nang-iwan-si-mikael-sa-pinas-2-buwan-magkakahiwalay-bilang-mag-asawa
https://bandera.inquirer.net/282152/ayoko-nang-bumalik-sa-paghihirap-hello-nagbabad-na-ako-dun-nang-bongga
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.