Kylie naloka sa chikang nabuntis daw siya ni Gerald: Nakakainis! It’s so out of this world!
Gerald Anderson at Kylie Padilla
KALAT na kalat na sa social media at sa ilang celebrity vlogs ang mga chikang nabuntis umano ni Gerald Anderson ang Kapuso actress na si Kylie Padilla.
Pero bago pa man maniwala nang bonggang-bongga ang mga mahilig sa tsismis, lalo na ang mga Marites all over the universe, nagsalita na agad si Kylie hinggil dito.
Mariing pinabulaanan ng “Bolera” lead star ang chikang buntis daw siya ngayon at si Gerald daw ang ama ng kanyang dinadala.
Grabe naman kasi ang mga vlogger na naglabas ng fake news na ito sa YouTube at TikTok kung saan may ipinakita pa silang mga litrato ni Kylie na may baby bump na kuha sa Switzerland kasama si Gerald.
Ginamit pa ng mga ito ang mga litrato nina Kylie at Gerald na kuha sa Switzerland kung saan sila nag-shooting para sa pelikula nilang “Unraveled” under Mavx Productions.
View this post on Instagram
May nakita pa kaming video na nagsabing na-develop daw sina Kylie at Gerald habang ginagawa ang project nila sa Switzerland kaya naghiwalay na ang hunk actor at ang girlfriend nitong si Julia Barretto.
Ngunit mariin nga itong itinanggi ni Kylie. Aniya sa panayam ng “24 Oras” kagabi, “Wala pong katotohanan sa mga lumalabas (sabay tawa).”
“Magkaibigan lang po kami ni Gerald. Super professional lang po ang relationship namin. Nothing else!
“Nakakainis, ang dami! It’s so out of this world. Naba-bother lang ako na baka may maniwala, e,” sabi pa ng Kapuso star.
Sa panayam ng press kay Kylie sa naganap na virtual mediacon para sa finale ng “Bolera”, sinabi nito na wala pa siyang planong magkadyowa uli dahil mas gusto niya munang pagtuunan ng panahon ang kanyang sarili at ang dalawa niyang mga anak.
https://bandera.inquirer.net/321798/kylie-sa-chikang-idedemanda-sina-aljur-at-aj-stop-dragging-my-name-into-this-priority-ko-ang-mga-anak-ko-ngayon
https://bandera.inquirer.net/282148/derek-pinagbayad-daw-ng-utang-si-ellen-love-salamat-sa-paluwal-alam-mo-naman-wala-pang-ayuda
https://bandera.inquirer.net/288370/hello-buntis-sa-tingin-nyo-papatulan-ako-ni-kuya-wil
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.